LUKAS 22:16 - BALA LUK DO'

¹⁶ Ngaceku Ui pebala nemuyuh, Ui na miak kuman neneh pad macing Irau Paska ineh uen ngeriput bang Imet Allah.”

LUKAS 22:16 Iomraidhean Croise

LUKAS 12:37

Samal kuan amung-amung demulun, luk mekeribpeh tuandeh uned matar kareb ieh macing. Ui pebala nemuyuh, tuan ineh miak ngabet awa'neh sebuleng, idi nawar nedeh tudo kuman, idi ngasa' nedeh.

LUKAS 14:15

Kareb seburur rat arangdeh luk kuman ineh neninger luk kudeng ini, idi ieh nepebala kuan Yésus, “Samal kuan lemulun luk kuman ruti bang Imet Allah.”

LUKAS 22:15

Idi Ieh nepebala nedeh, “Ui pelaba pian kuman Irau Paska ini pad-pad dengan muyuh, kareb nateh Ui ngalap dereh!

LUKAS 22:18

Ngaceku Ui pebala nemuyuh, rat kareb ini, Ui na miak ngirup abpa' anggur ini pad Imet Allah macing.”

LUKAS 22:30

Muyuh miak kuman idi ngirup luun sebuleng téng denganKu bang ImetKu, idi muyuh miak tudo luun kerusi idi ngukum pulu' dueh babpat pupu Israil.

YAHYA 6:27

Aleg muyuh ngakem ngaceku akan luk melu, iamo' ngaceku akan luk meraben macing inan ulun luk meruked. Akan ineh miak barén Anak-Lemulun nemuyuh ngaceku Allah Taman pangeh nenganau' etuNeh luunNeh pad ngamo Neneh matu.”

KEKAMEN RASUL-RASUL 10:41

baken kuan amung lemulun, iamo' kuan kai luk pinili' Allah mangun ku lun nekali' Neneh. Kai ini pangeh nekuman idi nengirup denganNeh muci ratnan Ieh tinui Allah rat arang lun naté.

BALA LUK LINIO 19:9

Idi kebala melaikat negku, “Do' ngayud kudeng ini: Samal kuan lemulun luk tinawar amé' ku irau paweh Anak Dumba ineh.” Idi teh kebala melaikat ineh, “Ini bala Allah luk matu.”