LUKAS 21:8 - BALA LUK DO'

⁸ Kebala Yésus, “Matar do'-do', aleg muyuh saluken. Ngaceku mula' lemulun macing bang ngadanKu, keburi'deh, ‘Ui ini Ieh,’ idi teh, ‘Karebneh pangeh muneng!’ Aleg muyuh maya' nedeh.

LUKAS 21:8 Iomraidhean Croise

YEREMIA 29:8

Ui ini Tuhan Allah lun Israil, mada' nemuyuh pad muyuh na saluken nabi-nabi luk tudo arang muyuh idi idé-idé pana' luk mada' ratnan luk miak macing muci. Aleg maya' nupideh.

MATIUS 24:11

Idi mula' nabi luk mebalih macing idi naluk mula' lemulun.

MATIUS 3:2

kebalaneh, “Do' muyuh uren ratnan sala' muyuh, ngaceku Imet surga pangeh muneng.”

MATIUS 4:17

Rat kareb idi Yésus nengimun mada', kebalaNeh, “Do' muyuh uren, ngaceku Imet surga pangeh muneng!”

LUKAS 17:23

Inan lemulun luk pebala nemuyuh, ‘Siruh déi'! Siruh tungé'!’ Aleg muyuh amé' nakap ineh!

LUKAS 21:7

Idi kebaladeh, “O Guru, idanké susa' ini miak mangun? Idi anunké tanu'neh ratnan dereh ini malé mangun?”

LUKAS 21:9

Kareb muyuh ninger ratnan pebunu' idi ria' luk mula', aleg muyuh matot; ngaceku na miak na susa' ini mangun atun, iamo' kekipedneh na macing dengan mesaget.”

YAHYA 5:43

Ui ini macing dengan ngadan TamanKu, iamo' muyuh na ngalap Negku; kudeng selemulun baken macing dengan ngadanneh sebuleng, kali' rungen muyuh ngalap neneh.

YAHYA 8:24

Ineh punneh Ui nepebala nemuyuh, idi muyuh miak maté bang sala' muyuh. Kali' rungen muyuh miak maté bang sala' muyuh, kudeng muyuh na manu, idi Ui ini Ieh.”

YAHYA 8:28

Idi kebala Yésus nedeh, “Kareb muyuh ngikit Anak-Lemulun, idi muyuh miak kali' Ui ini Ieh, idi teh muyuh miak kali' idi sebuleng pana' na Ui nganau' maya' pianKu sebuleng, iamo' mepad kudeng TamanKu nemada' Negku, kudeng ineh teh luk belénKu.

1 KORINTUS 6:9

Naké muyuh kali' idi lemulun luk na matu na miak ngalap Imet Allah? Aleg muyuh uen ngeraruh. Lun mesawa', lun sembayang inan akang, lun pasét, deléi dengan deléi luk nganau' kekamen luk dat,

EPESUS 5:6

Aleg nima' seburur pana' naluk nemuyuh dengan bala luk mo'-mo', ngaceku ratnan ineh useh Allah macing kuan lemulun luk ngelaba balaNeh.

2 TESALONIKA 2:3

Aleg muyuh saluken lemulun ratnan anun-anun, ngaceku Aco ineh na miak macing kareb nateh lemulun mula' lumi ratnan anu atun, idi Lemulun luk Dat luk kumin bang apui uen ngegala'.

2 TIMOTIUS 3:13

Lemulun luk dat idi siayu, luk amé' rayeh datdeh. Ideh naluk nelun baken, idi ideh pana' sinaluk teh.

1 YAHYA 4:1

O amung-amung luk inanku mawa, aleg muyuh manu ku bala anid-anid lemulun luk ngamo neneh pangeh nengalap Roh Allah, iamo' do' muyuh nutun nedeh, pad muyuh kali' kudeng roh luk ilapdeh ineh macing ratnan Allah. Ngaceku mula' nabi luk mebalih pangeh neremuat iné' iapeh-iapeh.

2 YAHYA 1:7

Mula' lun luk ngeraruh pangeh neremuat iné' aput-aput tana', luk na ngamo Yésus Keristus pangeh nacing mangun ku lemulun. Lemulun ineh ngeraruh nelun, idi ideh ineh bunu' Keristus.

BALA LUK LINIO 1:3

Samal kuan lemulun luk maca' surat ini, idi samal kuan lemulun luk ninger bada' luk biré ini, idi luk maya' luk inayud bang surat ini, ngaceku karebneh pangeh muneng.

BALA LUK LINIO 12:9

Galau luk rayeh ineh tila', ieh ineh menipeh luk mengered, luk titen Iblis idi Sétan ineh, luk nenaluk amung uang tana' ini. Ieh pangeh tila' luun tana', idi amung-amung bawehneh pana' pangeh tila' denganneh.