LUKAS 21:37 - BALA LUK DO'

³⁷ Idi anid-anid aco Yésus nemada' bang Ruma' Allah; iamo' anid-anid alem Ieh neremuat idi rudap luun Pegkung Saitun.

LUKAS 21:37 Iomraidhean Croise

SEKARIA 14:4

Kareb ineh Ieh miak tuped luun Pegkung Saitun, luk pa busat aco Yerusalim. Idi Pegkung Saitun ineh miak mekupa rat pa busat aco macing pa acep aco, pad inan aceh raked luk rayeh. Setangal pegkung ineh miak mubuh amé' pa tinueh busat aco, idi setangal miak mubuh amé' pa kabing busat aco.

MATIUS 21:1

Kareb ideh macing muneng ku bawang Yerusalim idi ideh nesemuet bang bawang Baitpagi, luk déi' luun Pegkung Saitun. Yésus nengecuk dueh burur anak sekola'Neh amé' atun, keburi'Neh nedidueh,

MATIUS 21:17

Idi Yésus nenecan nedeh, idi neremuat rat bang bawang ineh, idi iné rudap déi' bawang Baitani.

MATIUS 26:30

Idi pangeh ideh menani aceh nani, idi ideh neremuat idi iné' déi' Pegkung Saitun.

MATIUS 26:55

Idi Yésus nepebala kuan lun mula', “Muyuh remuat ayu-ayu sikal pebunu' dengan lun manoké, dengan pelapet idi kayuh pad ngakem Negku? Anid-anid aco Ui netudo mada' ago déi' bang Ruma' Allah, idi nateh muyuh nengakem Negku.

MARKUS 11:12

Kenebpa, kareb ideh remuat rat déi' Baitani idi Yésus melau.

MARKUS 11:19

Kareb malem aco Yésus nenalan rat bawang Yerusalim dengan anak-anak sekola'Neh.

MARKUS 14:49

Bang anid-anid aco Ui idi arang muyuh idi mada' nemuyuh bang Ruma' Allah, idi nateh muyuh nengakem Negku. Iamo' na miak na bala luk inayud bang Surat Allah uen ngacing.”

LUKAS 19:29

Kareb Ieh nacing muneng ku Baitpagi idi Baitani déi' Pegkung Saitun, idi Ieh nengecuk dueh burur anak sekola'Neh,

LUKAS 19:37

Kareb Ieh pangeh muneng ku su luk inan irang Pegkung Saitun, idi amung-amung anak sekola' luk mula' ineh mawang niat idi ngubur Allah dengan arod luk rayeh, ngaceku amung-amung kekamen luk melalud luk sinierdeh ineh,

LUKAS 19:47

Idi anid-anid aco Yésus nemada' bang Ruma' Allah ineh. Iamo' imam-imam rayeh idi guru-guru Ukum, dengan lun rayeh pupu ineh nenakap dalan sikal ngaté Neneh.

LUKAS 22:39

Yésus nenalan rat Yerusalim, idi iné' déi' Pegkung Saitun maya' kudeng luk pekalai; idi anak-anak sekola'Neh nemaya' Neneh.

YAHYA 12:1

Anem aco atun ratnan Irau Paska ineh, idi Yésus iné' déi' Batiani, su luk inan Lasarus luk tinuiNeh.

YAHYA 18:2

Yudas, luk nemasui Neneh, kali' kabun ineh, ngaceku megéi kua' Yésus tebubpun déi' dengan anak-anak sekolaNeh.

KEKAMEN RASUL-RASUL 1:12

Pangeh ineh rasul-rasul nelemubed iné' Yerusalim rat Pegkung Saitun, luk lélé setangal batu rat Yerusalim.