LUKAS 21:36 - BALA LUK DO'

³⁶ Do' muyuh megéi matar idi sembayang, pad muyuh metueh muit burur muyuh ratnan amung-amung luk sikal mangun ineh, idi tuman matun Anak-Lemulun.”

LUKAS 21:36 Iomraidhean Croise

AYUB 27:10

Petulu ideh pian ku awang luk barén Allah, idi teh petulu ideh megéi' sembayang.

NANI UBUR 1:5

Lemulun luk dat miak kumin Allah. Idi lemulun luk mesala' miak uen ngatad ratnan lemulun luk matu.

YEREMIA 35:19

Ngaceku ineh, Ui ini, Tuhan luk Melalud, Allah lun Israil pejani', ieh ineh Yonadab Rekab megéi' inan inul deléi luk mangun ngakem kuanKu.”

MALAKI 3:2

Idé luk tuman kareb Ieh macing? Idé luk na matot kareb Ieh melagan? Ieh mepad kudeng apui luk ngederuno amas idi pirak, idi mepad kudeng sabun.

MATIUS 24:42

Matar do'-do', ngaceku muyuh na kali' aco sapeh luk Tuhan muyuh macing peh.

MATIUS 24:43

Ngerawé do'-do', kudeng tuan ruma' pangeh nekali' karebneh luk inan lun mano macing, kali' rungen ieh matar idi na ieh nima' ruma'neh uen ngusag.

MATIUS 24:44

Ngaceku ineh do' muyuh megéi' temina', ngaceku Anak-Lemulun sikal macing bang aceh kareb luk na kali' muyuh.

MATIUS 25:13

Idi kebala Yésus, “Matar do'-do', ngaceku muyuh na kali' aco idi karebneh.

MATIUS 26:41

Matar idi sembayang, pad muyuh na semuet bang tutun; sagan pana' niat muyuh geregan, iamo' burur muyuh melaya' peh.”

MATIUS 8:20

Idi kebala Yésus neneh, “Bungalé inan lubangdeh, idi suit-suit déi' arang gawa' pana' inan arardeh; iamo' Anak-Lemulun na luk inanNeh ngerareng uluhNeh.”

MARKUS 13:33

Matar do'-do' idi sembayang, ngaceku na muyuh kali' idan karebneh.

MARKUS 13:37

Luk belénKu nemuyuh kudeng ineh teh luk belénKu kuan amung-amung lemulun: Matar do'-do'!”

LUKAS 1:19

Idi kebala melaikat neneh, “Ui ini Gabriel luk tuped pa kiung Allah. Ui pangeh icuk pebala namu idi ngacing bala luk do' ini.

LUKAS 18:1

Idi Yésus nemada kuandeh aceh luk pinginud, pad ideh megéi' sembayang dengan na melawa',

LUKAS 20:35

iamo' muci aco lemulun luk petulu tumui ratnan até idi ngalap ulun luk meruked na ngaweh.

LUKAS 21:35

Ngaceku aco ineh miak macing luun amung-amung lemulun luk tudo bang aput-aput tana' ini.

KEKAMEN RASUL-RASUL 10:2

Ieh ineh selemulun luk sembayang idi luk manu inan Allah dengan amung uang tetek ruma'neh. Ieh megéi' maré kuan lun Yahudi luk masi'. Idi ieh megéi' sembayang inan Allah.

1 KORINTUS 16:13

Kekipedneh, matar do'-do', idi tuped meraben bang anu muyuh. Do' muyuh mekuu' idi metueh.

2 KORINTUS 4:14

Kai kali' idi Allah luk pangeh nenui Tuhan Yésus sikal nui nekai mepad kudeng Yésus ineh teh, idi sikal maré nekai amé' matun Neneh dengan muyuh.

KOLOSE 4:2

Do' muyuh lutep sembayang, idi matar bang amung ineh dengan maré ubur.

1 TESALONIKA 5:17

idi sembayang dengan na melawa',

2 TIMOTIUS 4:5

Iamo' bang luk amung-amung do' iko ngimet bururmu, tuman ratnan luk medereh, nganau' kekamen lemulun luk mada' Bala' luk Do', idi ngeriput kekamenmu mepad kudeng demulun Allah.

1 PETRUS 4:7

Iamo' kareb luk kekiped ineh pangeh muneng. Do' muyuh ngimet burur muyuh, idi matar pad miak sembayang.

1 PETRUS 5:8

DO' muyuh ngerawé, idi matar do'-do'! Iblis luk bunu' muyuh ineh, mepad kudeng balang luk ngeku luk nalan-nalan nakap idé luk miak kenenneh.

1 YAHYA 2:28

Nekini, O anak-anakku, do' muyuh lutep bang Keristus, pad tau mepanu' ku kuu' kareb Ieh megala' teh, idi na sigapung ku igu' kareb Aco acingNeh.

YAHUDA 1:24

Idi kuan Allah luk melalud matar nemuyuh pad muyuh na metebaceng, idi luk naped nemuyuh dengan na sala' pa atun rayehNeh, dengan awang niat,

BALA LUK LINIO 11:4

Dueh lun nekali' ineh mepad kudeng dueh lawa saitun idi dueh kukud dawan luk tuped pa kiung Tuhan luk kuan tana' ini.

BALA LUK LINIO 6:17

Aco rayeh, aco usehdeh ineh pangeh nacing, idi idéké luk miak tuman ratnan ineh?”

BALA LUK LINIO 7:9

Pangeh ineh ui nenier aceh tebubpun luk rayeh, luk na miak iapin seburur lemulun pana'. Ideh ineh ratnan anid-anid pupu, babpat, inul, idi buri. Ideh tuped pa atun kerusi idi pa atun Anak Dumba ineh, idi ideh nengayung ku ayung luk mebuda', idi nengimet angat piasau bang paladdeh.

BALA LUK LINIO 8:2

Idi ui nenier tudu' melaikat luk tuped pa kiung Allah ineh, idi pangeh biré kuandeh tudu' serupit.