LUKAS 21:34 - BALA LUK DO'

³⁴ “Matar burur muyuh pad niat muyuh na barén kuan luk manga idi mabuk idi rapang ratnan ulun tana' ini, pad aco ineh macing luun muyuh denak-denak mepad kudeng abpung.

LUKAS 21:34 Iomraidhean Croise

PUDUT 19:32

Do' kiteh maré abpa' anggur rupen i Ama', idi kiteh miak pamung rudap denganneh, pad kiteh inan anak.”

PUDUT 19:35

Idi didueh nemaré abpa' anggur rupenneh bang alem ineh. Idi luk isuut ineh pana' nepamung rudap denganneh. Idi na Lut kali' idan ieh netelubid idi idan ieh netumui.

PUDUT 27:14

Idi ieh iné' ngalap anak amék ineh, idi ieh nenguit ineh kuan tinanneh, idi tinanneh nenganau' ineh ku kikid, mepad kudeng luk inan tamanneh geregan.

NANI UBUR 35:8

Iamo' até miak ngakem nedeh kareb nateh ideh kali'; ideh miak kamen bang abpung luk inau'deh, idi mebpeng bang lubang luk inukatdeh.

BALE' 21:4

Mesido' niat idi medita' niat mangun ku tanu' lemulun luk dat.

BALE' 23:20

Aleg perurum inan lemulun luk ucet ngirup idi luk manga.

LUN LUK MADA' 9:12

Iko na kali' kareb tarekmu macing. Mepad kudeng suit denak-denak mekaneh abpung, idi mepad kudeng lawid mekaneh pukat, kudeng ineh teh tau lemulun denak-denak mekaneh susa'.

YESAYA 28:7

Nabi idi imam pana' mabuk idi midar. Ideh pangeh nengirup pelaba ula' abpa' anggur idi arak, pad ideh metebaceng ku raruh niatdeh. Nabi-nabi ineh pelaba abuk, pad ideh na kali' ilung luk sirendeh ratnan Allah, idi imam-imam pana' pelaba abuk, pad ideh na miak mutut besara luk barén kuandeh.

HOSIA 4:11

“Abpa' anggur nganau' pupuKu mebacé!

UKUM 10:9

“Aleg iko idi anak-anakmu ngirup abpa' anggur idi luk megalih kareb muyuh semuet bang Lepo su luk inan papu' Tuhan, pad muyuh na maté. Idi ini aceh dalan luk meruked macing ku anak inul.

MATIUS 13:22

Idi luk inisak arang tabpa', ieh ineh lemulun luk ninger bala ineh; idi rapang luk ratnan tana' ini, idi saluk ratnan mula' binaweh, nebpek bala ineh, pad ieh na kebua'.

MARKUS 13:9

“Iamo' do' muyuh matar do'-do'. Muyuh miak kamen idi iten amé' besara'. Muyuh miak bebalen bang ruma' sembayang. Idi teh muyuh miak tuped pa atun lun luk ngimet bawang idi raca'-raca' teh ngaceku Ui, pad muyuh mada' Bala luk Do' nedeh.

MARKUS 4:19

iamo' rapang ratnan ulun tana' ini, idi lili ratnan mula' binaweh, idi lili ratnan amung-amung luk baken teh, semuet bang niatdeh idi nebpek bala ineh, pad ieh na kebua'.

LUKAS 10:41

Idi kebala Tuhan neneh, “Marta, Marta, iko mesusa' idi merapang ratnan mula' kekamen;

LUKAS 12:40

Do' muyuh temina', ngaceku Anak-Lemulun sikal macing bang aceh kareb luk na muyuh kali'.”

LUKAS 17:3

Matar burur muyuh! “Kudeng kinanakmu mesala', mebpeng neneh; kudeng ieh nginuud, maré do' kuanneh.

LUKAS 21:35

Ngaceku aco ineh miak macing luun amung-amung lemulun luk tudo bang aput-aput tana' ini.

LUKAS 21:8

Kebala Yésus, “Matar do'-do', aleg muyuh saluken. Ngaceku mula' lemulun macing bang ngadanKu, keburi'deh, ‘Ui ini Ieh,’ idi teh, ‘Karebneh pangeh muneng!’ Aleg muyuh maya' nedeh.

LUKAS 8:14

Idi luk nebpeh arang tabpa' ineh, ieh ineh lemulun luk pangeh neninger. Iamo' ideh mesabeng ku rapang idi mula' binaweh idi luk do' bang tana' ini, pad ideh na ngeruat bua' dengan meriput.

1 KORINTUS 5:11

Ilung balaku, ieh ineh, aleg perurum dengan lun luk titen kinanak kudeng ieh pasét, melili, sembayang inan akang, ngedat, mabuk, kian mano lek. Aleg pamung kuman pana' dengan lemulun luk kudeng ineh.

1 KORINTUS 6:10

lun mano, lun luk melili, lun mabuk, lun luk ngedat, idi lun muyok — na miak ngalap babpat bang Imet Allah!

GALATIA 5:20

sembayang inan akang, mangun, pebunu', kedaluh, temaruh, megateh niat, ngeluun bururmu sebuleng, patad, babpat-babpat,

BADA' RATNAN UKUM 29:19

idi kareb ieh ninger bala pejani' ini, idi ieh ngawang niatneh, kebalaneh, ‘Ui miak uen ngulun, sagan tu pana' ui maya' pinian bururku luk dat idi dengan abukku ui pian ngato paring.’

PILIPI 4:6

Aleg muyuh merapang ratnan anun-anun, iamo' bang luk amung-amung do' amung-amung pian muyuh uen ngegala' kuan Allah, bang sembayang idi putuh dengan maré ubur.

IBERANI 12:15

Matar do'-do' pad seburur pana' na teketed ratnan katu Allah. Matar do'-do', pad aceh “uat luk mepét” na mulun idi nganau' susa' kuan muyuh pad amung-amung lemulun uenneh ngelutak.

2 PETRUS 3:10

Iamo' Aco Tuhan sikal macing mepad kudeng lun mano. Langit miak metutu' dengan uni luk meluun rayeh, idi amung-amung pudut luk bang langit miak meseb idi ubpa', idi tana' dengan amung-amung kekamen luk ina bangneh ineh miak meseb.

2 PETRUS 3:14

Ngaceku ineh, O luk inanku mawa, laba' muyuh nganét amung-amung luk kudeng ini, do' muyuh mekél pad muyuh miak lapen dengan awang, dengan na melutak idi na mesala' pa kiung Tuhan.

BALA LUK LINIO 3:3

Ngaceku ineh, do' ngerawé kudeng apeh luk pangeh ilapmu idi pindengermu. Do' nginita ineh idi uren. Kudeng iko na kulat, Ui sikal macing kudeng lemulun luk mano, idi iko na kali' ratnan karebneh luk Ui sikal macing namu.

SEMUIL LUK PUN-PUN 25:36

Idi kareb Abigail nacing ni Nabal, idi inan irau bang ruma'neh mepad kudeng irau raca'. Idi Nabal pelaba awang niat ngaceku ieh mabuk. Idi ngaceku ineh sebila' bala pana' naneh bida' Abigail neneh macing pekak kenebpa.