LUKAS 21:26 - BALA LUK DO'

²⁶ Lemulun lélé maté ku tot kareb ideh nganét susa' luk miak mangun luun tana' ini; ngaceku lalud-lalud luk déi' langit ineh pana' miak meguyu' peh.

LUKAS 21:26 Iomraidhean Croise

YESAYA 5:30

Kareb ineh, ideh miak ngarod pa luun Israil mepad kudeng beri abpa' rayeh. Siruh bawang ini! Medacem idi mesusa! Acang misu' ku dacem.

UKUM 26:36

“Idi Ui miak nganau' aceh tot kuan muyuh luk ketecan bang bawang bunu' muyuh, pad muyuh matot ku uni don luk mepalid. Idi muyuh miak buro mepad kudeng lun luk buro ku bunu'. Idi muyuh miak meluka' sagan tu pana' na lemulun luk ngerada'.

MATIUS 24:29

“Idi kareb pangeh dereh ineh, petacu mateh aco medacem, bulan pana' na maré acangneh, gituen-gituen merurug rat bang langit, idi amung-amung lalud luk déi' langit ineh pana' mebubuh teh.

MARKUS 13:25

Idi gituen-gituen bang langit miak merurug, idi amung-amung lalud luk déi' langit ineh pana' miak mebubuh peh.

LUKAS 21:25

“Idi miak mangun tuda'-tuda' tanu' luun mateh aco idi bulan idi gituen-gituen pana'. Idi luun tana' inan susa' kuan amung-amung pupu dengan gagau ngaceku beri abpa' rayeh idi ereb teh.

LUKAS 21:27

Idi ideh miak nier Anak-Lemulun macing bang laput dengan lalud idi rasat luk rayeh.