LUKAS 21:22 - BALA LUK DO'

²² Ngaceku ieh ineh Aco Ngukum, pad amung-amung luk inayud bang Surat Allah miak macing.

LUKAS 21:22 Iomraidhean Croise

YESAYA 34:8

Kareb ineh Tuhan miak muit bawang Sion idi ngua' amung bunu'Neh.

YESAYA 61:2

Ieh nengecuk Negku pad Ui mada', ratnan tarekNeh macing, kareb Tuhan miak ngulun pupuNeh, idi ngelaya' bunu'deh. Ieh nengecuk Negku pad Ui ngubuk lemulun luk temido.

YESAYA 63:4

Ui nengeletep aco luk inanKu ngulun pupuKu; pad Ui ngukum bunu'deh.

YEREMIA 51:6

Buro rat Babil, pad muyuh mulun. Aleg muyuh maté ngaceku sala' Babil. Ui miak ngua' idi ngukum neneh, maya' kudeng luk pangeh inau'neh

HOSIA 9:7

Aco luk inan ngukum pangeh nacing, pad lun Israil miak mekaneh ukum luk petulu. Israil miak kali' kareb amung ineh mangun! Kebala muyuh, “Nabi ineh mebacé. Lemulun luk kikem Roh ini meruden.” Muyuh megateh negku ngaceku sala' muyuh pelaba rayeh.

MALAKI 4:1

Kebala Tuhan luk Melalud, “Ngerawé' do'-do', kareb aco ineh macing, amung-amung lemulun luk medita' niat idi luk dat miak meseb mepad kudeng geramih. Kareb aco ineh ideh meseb pad na luk ketecan.

MATIUS 1:22

Idi amung ini pangeh mangun, pad ngacing luk bila Tuhan dengan tang nabi, kebalaNeh,

SURAT LUK BIRE PAULUS KUAN LUN RUM 2:5

Iamo' iko metueh niat idi na sikal uren. Iko ngeberat ukum kuan bururmu sebuleng kareb Aco Useh Allah, ieh ineh kareb ukum Allah luk matu uen ngegala'.

BADA' RATNAN UKUM 32:34

“Tuhan ngerawé ratnan luk inau' bunu'deh; Ieh nganét kareb luk petulu, pad Ieh miak ngukum nedeh.

BADA' RATNAN UKUM 32:43

“O amung pupu baken, do' ngubur pupu Tuhan, Ieh ngukum amung lun luk ngaté nedeh, idi ngua' amung bunu'Neh, idi Ieh nganau' luk nguit pedo' kuan tana' pupuNeh.”

2 PETRUS 2:9

Kudeng ineh teh Tuhan luk meluun kali' kudeng apeh muit lun manu ratnan tutun luk macing nedeh, idi kudeng apeh ngata lemulun luk dat pad macing Aco Ngukum, pad Ieh ngedereh nedeh,

2 PETRUS 3:7

Iamo' langit idi tana' luk idi nekini uen ngasa' ratnan bala Allah ineh, pad uen ngusag ku apui, ieh ineh pad macing aco luk inan lemulun luk na manu kumin idi pitayen.