LUKAS 21:21 - BALA LUK DO'

²¹ Kareb ineh do' lemulun luk bang tana' Yudia buro amé' luun pegkung, idi lun bang bawang ineh do' buro, idi lemulun luk déi' lati' aleg semuet bang bawang.

LUKAS 21:21 Iomraidhean Croise

PUDUT 19:17

Idi kareb didueh pangeh nenguit nedeh remuat, idi kebala didueh, “Upun muyuh; aleg muyuh lumi pa puet idi aleg ucu' luun raked ini. Upun muyuh matun pegkung, pad muyuh na maté.”

PUDUT 19:26

Iamo' awan Lut nelumi pa puet, pad ieh nisu' ku diri tucu'.

BALE' 22:3

Lemulun luk mileh, kali' acing susa', pad ieh buro, iamo' lemulun luk na mileh ngerawé petacu matun susa', idi muci ieh nginuud.

YEREMIA 35:11

Iamo' kareb Nebukadnesar, raca' Babil nesemuet bang bawang ini, kai nepegayam idi iné' Yerusalim, pad kai buro rat baweh Babil idi baweh Siria teh. Idi punneh kai tudo déi' Yerusalim.”

YEREMIA 37:12

Idi Yeremia nenalan rat Yerusalim pian amé' babpat Beniamin pad ieh ngalap babpat tana' pupuneh.

YEREMIA 6:1

O lun Beniamin, do' muyuh buro pad na maté! Buro rat Yerusalim! Amé' nateg tawak déi' Tekoa, idi mada' nedeh déi' Bait Kerim, ngaceku susa' idi até macing rat pa tinueh busat aco.

IAP 16:26

Idi kebalaneh kuan lun mula' ineh, “Do' muyuh mado ratnan lepo lemulun luk dat ini. Aleg ngakem anun-anun binawehdeh pad muyuh na maté ngaceku sala'deh.”

MATIUS 2:1

Yésus tinganak déi' Baitlahim bang bawang Yudia, kareb imet Raca' Herodés, idi tuda'-tuda' lun luk mileh nier gituen nacing rat pa busat aco iné' Yerusalim,

MATIUS 24:16

Idi kareb ineh teh do' lemulun luk bang tana' Yudia buro amé' luun pegkung.

MARKUS 13:15

Idi do' lemulun luk luun buduk ruma' aleg temurun idi semuet sikal ngalap anun-anun luk bang ruma'neh.

BALA LUK LINIO 18:4

Idi ui neninger aceh arod luk baken teh rat bang surga luk nepebala, “O pupuKu, do' remuat rat neneh, pad muyuh na perurum bang sala'neh, idi muyuh na kumin pad-pad denganneh!