LUKAS 21:19 - BALA LUK DO'

¹⁹ Do' muyuh lutep, pad muyuh miak ngalap ulun.

LUKAS 21:19 Iomraidhean Croise

NANI UBUR 37:7

Do' iko ungeng pa kiung Tuhan; nganét luk ruenNeh dengan mulai niat. Aleg megagau ku lemulun luk ngalap mula' binaweh, idi ku lemulun luk ngacing terawédeh luk dat.

NANI UBUR 40:1

Pelaba ioku nenginulat pedengan Tuhan, Ieh neninger idi nekali' putuhku.

HABAKUK 3:16

Ui ini Habakuk ninger amung ini idi megegker; bibirku pana' megegker ku totku. Bururku melaya', idi kukudku metebaceng. Ui miak nginulat karebneh macing, kareb Allah miak ngukum lemulun luk munu' nekai.

MATIUS 10:22

Muyuh miak inan amung-amung lemulun megateh ngaceku ngadanKu; iamo' lemulun luk tuman pad macing kekipedneh uen ngulun.

MATIUS 24:13

Iamo' lemulun luk tuman pad macing kekipedneh uen ngulun.

LUKAS 8:15

Iamo' luk nebpeh luun tana' luk do' ineh, ieh ineh lemulun luk pangeh neninger bala ineh, idi nengimet meraben bang niat luk mesiri idi do', idi ngeruat bua' dengan mulai niat.

SURAT LUK BIRE PAULUS KUAN LUN RUM 15:4

Ngaceku amung-amung luk pangeh inayud bang Surat Allah, pangeh inayud pad mangun ku bada' kuan tau, pelé tau ngalap rapet ratnan ulai niat idi ubuk luk barén kuan tau bang surat ineh.

SURAT LUK BIRE PAULUS KUAN LUN RUM 2:7

Allah miak maré ulun luk meruked kuan lemulun luk megéi' nganau' luk do' idi luk nakap rayeh dengan ubur idi ulun luk na miak melu.

SURAT LUK BIRE PAULUS KUAN LUN RUM 5:3

Idi teh tau mawang niat bang luk medereh pana', ngaceku tau kali' idi dereh ineh ngacing ulai niat,

SURAT LUK BIRE PAULUS KUAN LUN RUM 5:4

idi ulai niat ineh ngacing niat luk meraben, idi niat luk meraben ineh ngacing inan rapet,

SURAT LUK BIRE PAULUS KUAN LUN RUM 8:25

Iamo' kudeng tau merapet inan anun-anun luk na miak siren tau, idi dengan mulai niat tau nganét neneh.

1 TESALONIKA 1:3

Ngaceku kai ngerawé pa kiung Allah Taman tau ratnan kekamen muyuh luk dengan anu, idi kél muyuh luk dengan awa, idi letep niat muyuh luk merapet inan Tuhan tau Yésus Keristus.

2 TESALONIKA 3:5

Idi do' Tuhan ngeruid niat muyuh pad muyuh ngalap awa Allah idi ulai niat Keristus ineh.

IBERANI 10:36

Ngaceku ulai niat inan ulek kuan muyuh, pad muyuh miak nganau' luk pian Allah, idi ngalap jani' ineh.

IBERANI 6:11

Kai rayeh rapet pad anid-anid burur muyuh mekél macing kekipedneh, pad amung-amung luk inan muyuh merapet miak mangun.

IBERANI 6:15

Ibrahim ine mulai niat idi ieh nengalap pejani' Allah ineh.

YAKUB 1:3

ngaceku muyuh kali' tutun anu muyuh ineh ngacing inan ulai niat.

YAKUB 1:4

Idi do' ulai niat muyuh meriput, pad muyuh mangun meligan idi petap anu idi na masi' bang anun-anun pana'.

2 PETRUS 1:6

idi ileh ineh miak uen ngula' dengan metueh ngimet burur, idi metueh ngimet burur miak uen ngula' dengan lutep niat, idi lutep niat ineh miak uen ngula' dengan ulun luk meligan,

BALA LUK LINIO 1:9

Ui ini Yahya, kinanak muyuh. Idi bang Yésus ui ngalap babpat dengan muyuh bang susa', idi bang ImetNeh. Idi dengan muyuh ui tuman bang dereh. Ui pangeh tila' déi' Pulau Patmos, ngaceku ui nemada' bala Allah idi bada' luk matu luk linio Yésus.

BALA LUK LINIO 13:10

Idé lemulun luk litep miak tebanen, kali' rungen ieh miak tebanen; idé lemulun luk litep pitayen ku pelapet, kali' rungen ieh pitayen ku pelapet teh. Ngaceku ineh na miak na pupu Allah tuman idi manu.”

BALA LUK LINIO 14:12

Ngaceku ineh, na miak na pupu Allah tuman idi manu, ieh ineh lemulun luk lutep maya' ukum-ukum Allah idi lutep manu inan Yésus.

BALA LUK LINIO 3:10

Ngaceku iko pangeh nenginita bada'Ku ratnan ulai niat ineh, Ui pana' miak nginita namu ratnan tutun luk macing kuan amung uang tana' ini, idi luk nutun amung lemulun bang tana' ini.