LUKAS 21:17 - BALA LUK DO'

¹⁷ Muyuh miak inan amung-amung lemulun megateh ngaceku ngadanKu.

LUKAS 21:17 Iomraidhean Croise

MATIUS 10:22

Muyuh miak inan amung-amung lemulun megateh ngaceku ngadanKu; iamo' lemulun luk tuman pad macing kekipedneh uen ngulun.

MATIUS 24:9

“Idi muyuh miak kamen idi ruen ngedereh, idi pitayen pana'. Amung lemulun miak megateh nemuyuh ngaceku ngadanKu.

MATIUS 5:11

“Samal kuan muyuh kareb lemulun ngedat nemuyuh idi ngedereh nemuyuh idi nguyo nemuyuh dengan mebalih ngaceku Ui.

MARKUS 13:13

Idi muyuh miak inan amung-amung lemulun megateh ngaceku Ui, iamo' lemulun luk tuman pad macing kekipedneh miak uen ngulun.

LUKAS 21:16

Muyuh miak barén taman-tinan muyuh, kinanak-kinanak muyuh, pupu muyuh, idi lun rurum muyuh, idi tuda'-tuda' rat arang muyuh miak pitayen.

LUKAS 21:18

Iamo' sengurat abpuk muyuh pana' na miak mebubput.

LUKAS 6:22

“Samal kuan muyuh kareb lemulun megateh nemuyuh, idi ngatad nemuyuh rat arangdeh, idi ngedat nemuyuh idi ngesala' nemuyuh, ngaceku ratnan Anak-Lemulun.

YAHYA 15:19

Kudeng muyuh ratnan tana' ini, kali' rungen tana' ini miak mawa nemuyuh mepad kudeng pupuneh sebuleng. Iamo' muyuh baken ratnan tana' ini, ngaceku Ui pangeh nemili' nemuyuh ratnan tana' ini. Ini punneh tana' ini megateh nemuyuh.

YAHYA 15:21

Iamo amung-amung ini miak ruendeh kuan muyuh ngaceku ngadanKu, ngaceku ideh na miti Neneh luk nengecuk Negku.

YAHYA 17:14

Ui ini nengacing balaMu kuandeh; idi uang tana' ini megateh nedeh, ngaceku ideh baken ratnan tana' ini, mepad kudeng Ui teh baken ratnan tana' ini.

YAHYA 7:7

Uang tana' ini na megateh nemuyuh iamo' ieh megateh Negku, ngaceku ui ngegala' ratnan amung-amung kekamendeh luk dat.

KEKAMEN RASUL-RASUL 9:16

Idi Ui sebuleng sikal mada' kuanneh, tuda'-tuda' dereh luk miak kali'neh ngaceku ngadanKu.”

2 KORINTUS 12:10

Ini punneh amung-amung laya', kediman, asi', dereh idi susa' mangun ku awang kuanku ngaceku Kristus. Ngaceku kareb ui melaya', kareb ineh teh ui metueh peh.

2 KORINTUS 4:11

Ruked ulun kai, kai megéi barén kuan até ngaceku ratnan Yésus, pad ulun Yésus ineh miak uen ngegala' bang burur kai luk miak maté ineh.

2 KORINTUS 4:5

Kai na mada' ratnan burur kai sebuleng, iamo' ratnan Keristus Yésus luk Tuhan. Idi kai ini demulun muyuh ngaceku ratnan Keristus.

PILIPI 1:29

Ngaceku Allah pangeh nemaré kareb kuan muyuh pad ngakem kuan Keristus ineh, baken dengan manu Neneh mo', iamo' dengan ngalap medereh pana' ngaceku Ieh.

1 PETRUS 4:14

Kudeng muyuh uen nguyo ngaceku ngadan Keristus, samal kuan muyuh, ngaceku Roh luk rinayeh, ieh ineh Roh Allah, idi bang nemuyuh.

BALA LUK LINIO 2:3

Iko mulai niat idi pangeh nemabeh dereh ngaceku ngadanKu dengan na musam.