LUKAS 21:16 - BALA LUK DO'

¹⁶ Muyuh miak barén taman-tinan muyuh, kinanak-kinanak muyuh, pupu muyuh, idi lun rurum muyuh, idi tuda'-tuda' rat arang muyuh miak pitayen.

LUKAS 21:16 Iomraidhean Croise

YEREMIA 12:6

Kinanakmu luk bang tetek ruma'mu sebuleng pangeh nemasui namu; ideh pangeh perurum dengan bunu'mu. Sagan tu pana' baladeh do', aleg iko merapet nedeh.”

YEREMIA 9:4

Do' anid burur matar lun rurumneh, ngaceku na miak merapet ku kinanakmu; ngaceku anid kinanakmu naluk kudeng Yakub, idi lun rurum ngedat lun rurumneh.

MATIUS 10:21

“Kinanak miak maré kinanakneh pitayen, idi taman miak maré anakneh; anak-anak sikal metueh ratnan taman-tinandeh, pad ideh maré nedeh pitayen.

MARKUS 13:12

Idi kinanak miak maré kinanakneh pitayen, idi taman miak maré anakneh, idi anak-anak ineh sikal metueh ratnan taman-tinandeh, idi maré nedeh pitayen.

LUKAS 12:53

Taman sikal metueh ratnan anakneh luk deléi, idi anak deléi sikal metueh ratnan tamanneh; tinan sikal metueh ratnan anak decur, idi anak decur sikal metueh ratnan tinanneh; idi tinan deléi sikal metueh ratnan ibanneh luk decur, idi ibanneh luk decur sikal metueh ratnan tinan deléi ineh.”

LUKAS 21:15

Ngaceku Ui miak maré bala kuan muyuh idi ileh, luk na miak uen bunu'-bunu' muyuh ngelaya' idi uen ngedaluh.

LUKAS 21:17

Muyuh miak inan amung-amung lemulun megateh ngaceku ngadanKu.

KEKAMEN RASUL-RASUL 12:2

Idi ieh nengecuk ngaté Yakub kinanak Yahya ku pelapet.

KEKAMEN RASUL-RASUL 7:59

Idi laba' ideh mitung ni Stepanus idi ieh sembayang, “O Tuhan Yésus, lapenMu rohku.”

BALA LUK LINIO 12:11

Kinanak-kinanak tau nengelaya' neneh ku dara' Anak Dumba ineh, idi ku bala luk nekali'deh ineh, idi ideh na méi' inan ulun didueh sagan pana' maté.

BALA LUK LINIO 2:13

Ui kali' su inanmu tudo', ieh ineh su inan kerusi Sétan. Iko ngimet ngadanKu idi na necan anumu Negku, sagan pana' bang kareb Antipas, lun nekali' Negku luk lutep ineh, luk pangeh pinaté pa kiung muyuh, su luk inan Sétan tudo.

BALA LUK LINIO 6:9

Idi Anak Dumba nengukab etu luk kelimeh ineh, Ui nenier pa liang bubpun ineh amung-amung ulun lemulun luk pangeh pinaté ngaceku bala Allah, idi ngaceku ideh lutep mada' luk nekali'deh.