LUKAS 20:9 - BALA LUK DO'

⁹ Idi Yésus nemada' aceh luk pinginud kuan lun mula', “Inan seburur lemulun luk nenganau' aceh kabun anggur; idi ieh nemaré kabun ineh uen tuda'-tuda' lun matar kabun ngacam. Idi ieh nenalan tuda'-tuda' io bang bawang baken.

LUKAS 20:9 Iomraidhean Croise

YEREMIA 2:21

Iko aceh ilung luk pelaba do' idi bua' anggur luk mepaci', kareb Ui nenibu namu. Iamo' nekini iko mepad kudeng bua' anggur luk melu luk na pianKu.

MATIUS 25:14

“Imet surga mepad kudeng selemulun luk sikal amé' ngarang bang bawang baken, idi ieh nenawar amung-amung demulunneh, idi nemaré binawehneh bang paladdeh.

LUKAS 19:12

Ngaceku ineh kebala Yésus, “Inan seburur lun do' luk nenalan iné' bawang luk mado, pad ieh miak mangun ku raca'. Pangeh ineh ieh miak lemubed.

LUKAS 20:10

Idi kareb macing karebneh kebua', idi ieh nengecuk seburur demulunneh amé' ngalap sebabpat bua' anggur ineh rat nelun matar kabun ineh. Iamo' lun matar kabun ineh nemebal neneh idi nengecuk neneh muli' dengan na uang.

LUKAS 20:8

Idi kebala Yésus nedeh, “Ui pana' na sikal mala kuan muyuh dengan lalud idéké Ui nganau' kekamen ini.”

BADA' RATNAN UKUM 16:18

“Idi do' muyuh ngikit tuda'-tuda' lun luk mutut besara' idi teh tuda'-tuda' lun rayeh bang amung bawang muyuh luk barén Tuhan Allah muyuh nemuyuh, rat anid pupu muyuh. Idi ideh miak mutut besara' kuan lun mula' ku ukum luk muned.