LUKAS 20:36 - BALA LUK DO'

³⁶ Ideh mepad kudeng melaikat, idi na maté baruh peh. Ideh ineh anak Allah ngaceku ideh pangeh netumui.

LUKAS 20:36 Iomraidhean Croise

YESAYA 25:8

Tuhan miak ngagka' até macing ruked-ruked! Ieh miak miid abpa' mateh amung-amung lemulun idi nala' igu' amung pupuNeh luk aput-aput tana'. Tuhan pangeh nepebala.

HOSIA 13:14

Ui na pian muit pupu ini ratnan su luk inan até, idi ngulun nedeh ratnan lalud até ineh. O até, do' amé' nedeh dengan galihmu! O su luk inan até, do' amé' nedeh dengan usagmu! Na Ui méi' inan pupu ini.

SEKARIA 3:7

“Tuhan luk Melalud pangeh nepebala, Kudeng iko maya' ukumKu idi nganau' kekamen luk biréKu namu, idi iko miak ngimet bang ruma'Ku idi natad ruma'Ku pana'. Idi Ui miak ninger sembayangMu, mepad kudeng Ui ninger sembayang amung melaikat luk pa kiungKu.

MATIUS 22:30

Ngaceku kareb aco tui na ideh ngaweh, idi na ideh barén paweh, iamo' ideh mepad kudeng melaikat luk déi' surga.

MARKUS 12:25

Ngaceku kareb lemulun tumui rat arang lun naté, na ideh ngaweh, iamo' ideh mepad kudeng melaikat luk déi' surga.

SURAT LUK BIRE PAULUS KUAN LUN RUM 8:16

Roh Allah ineh maré kali' dengan roh tau, ratnan tau ini anak-anak Allah.

1 KORINTUS 15:26

Idi bunu' luk kekiped tu-tu luk uenNeh ngusag, ieh ineh até.

1 KORINTUS 15:42

Kudeng ineh teh tui lun naté, ieh ineh tinamen idi melu, idi tuyen pad na miak melu;

1 KORINTUS 15:49

Idi mepad kudeng tau ngayung ku ayuneh luk ratnan tana' ini, kudeng ineh teh tau miak ngayung ku ayuNeh luk rat surga ineh.

PILIPI 3:21

Ieh miak ngisu' ayu burur tau luk dat ini mangun kudeng ayu bururNeh luk merasat ineh, maya' mepad kudeng tuehNeh luk miak ngebeneh luk amung-amung pa liang imetNeh.

BALA LUK LINIO 20:6

Mawang niat idi samal kuan lemulun luk semuet bang babpat tui luk pun-pun ineh. Até luk kedueh ineh na miak melalud pa luundeh, iamo' ideh mangun ku imam kuan Allah idi kuan Keristus, idi miak ngimet pad-pad denganNeh bang meribu lak kinioneh.

BALA LUK LINIO 21:4

Ieh miak miid amung-amung abpa' mateh ratnan matehdeh. Idi na luk idi até kuandeh teh: tido, tangi', idi ét pana' na luk idi. Amung-amung luk mon pangeh netutu'.”

BALA LUK LINIO 22:9

Iamo' kebalaneh negku, “Aleg nganau' ineh. Ui pana' mepad teh kudeng iko, idi mepad kudeng kinanakmu teh, ieh ineh nabi-nabi ineh, idi mepad kudeng amung-amung lemulun luk maya' bala surat ini. Do' sembayang inan Allah!”