LUKAS 20:21 - BALA LUK DO'

²¹ Idi keburi'deh Neneh, “O Guru, kai kali' Iko luk mala idi mada' dengan niat luk matu, idi na mili' ayu lemulun, iamo' dalan Allah bida'Mu dengan matu.

LUKAS 20:21 Iomraidhean Croise

INUL LUK KEDUEH 19:7

Do' matot inan Tuhan idi ngerawé do'-do', ngaceku Tuhan Allah tau na pian ku saluk, idi ngadan idi suap pana'.”

AYUB 34:19

Allah nemudut amung-amung lemulun; na Ieh méi' nelun rayeh-rayeh idi lun do' meluun ratnan lun masi'.

NANI UBUR 12:2

Amung-amungdeh mebalih kuan lun baken, dengan do' bala, iamo' perapid niatdeh.

NANI UBUR 55:21

Balaneh pelaba do' én, iamo' inan useh bang niatneh; balaneh mesalud mepad kudeng luk inumau, iamo' ideh narad mepad kudeng pelapet luk metadem.

MATIUS 22:16

Idi ideh nengecuk anak-anak sekola'deh dengan lun Herodiani teh amé' matun Neneh. Idi kebaladeh Neneh, “Guru, kai kali' Iko seburur lemulun luk matu, idi Iko mada' dalan Allah dengan luk matu, idi na Iko mili' ayu lemulun; ngaceku na Iko ngerawé taga burur lemulun.

MARKUS 12:14

Idi ideh iné' matun Yésus, kebaladeh, “O Guru, kai kali' idi Iko seburur lemulun luk matu, luk na mili' ayu lemulun, ngaceku Iko na ngerawé do' lemulun, iamo' dalan Allah badénMu dengan matu. Petuluké kai maré pupuk kuan raca' Rum, kian na lek? Do'ké kai maré, kian na lek?”

LUKAS 20:20

Idi ideh nenganét aceh kareb luk petulu nuap tuda'-tuda' lemulun luk amé' nier, luk siayu mepad kudeng lemulun luk matu, sikal nuuk Yésus, pad ideh miak maré Neneh kuan lun rayeh idi lalud lun luk ngimet ukum.

LUKAS 20:22

Miakké kai maré pupuk kuan raca' Rum, kian na lek?”

YAHYA 3:2

Ieh iné' papu' Yésus kareb malem, idi nepebala Neneh, “O Guru, kai kali' Iko ini Guru luk nacing ratnan Allah. Ngaceku na luk idi seburur pana' miak nganau' amung tanu', mepad kudeng luk ianu'Mu, kudeng na Allah idi denganneh.”

2 KORINTUS 2:17

Kai ini baken kudeng mula' lemulun luk nakap tabpar kuan bururdeh sebuleng ratnan bala Allah, iamo' kai pebala dengan mesiri niat, mepad kudeng demulun Keristus luk icuk Allah.

GALATIA 1:10

Inanké muyuh ngerawé ui pian buren lemulun? Na tu! Ui pian buren Allah. Inanké ui pian pedingeren lemulun? Kudeng pieh kudeng ineh, idi baken ui ini demulun Keristus.

GALATIA 2:6

Iamo' ratnan lemulun luk pangeh titen lun rayeh — idi ngadandeh na inan ulek kuanku; ngaceku Allah na mili' ayu lemulun — mepad kudeng luk bilaku, na ideh nemada' luk mebaruh kuanku.