LUKAS 20:20 - BALA LUK DO'

²⁰ Idi ideh nenganét aceh kareb luk petulu nuap tuda'-tuda' lemulun luk amé' nier, luk siayu mepad kudeng lemulun luk matu, sikal nuuk Yésus, pad ideh miak maré Neneh kuan lun rayeh idi lalud lun luk ngimet ukum.

LUKAS 20:20 Iomraidhean Croise

SEMUIL LUK KEDUEH 14:2

Idi Yoab nengecuk amé' déi' Tekoa, idi nguit rat déi seburur decur luk mileh. Idi ieh nepebala neneh, “Do' iko sidat niat idi ngayung ku kibung luk ku nacung. Aleg iko mabpa. Iamo' siayu kudeng decur luk mio nacung.

NANI UBUR 38:12

Lemulun luk sikal ngaté negku nganau' abpung kuanku, idi lemulun luk sikal ngesusa' negku ngerawé ratnan ngedereh negku; ideh na ugka' nakap dalan sikal metueh rat negku.

NANI UBUR 66:3

Do' mala kuan Allah, “Pelaba do' kekamen luk ruenMu! LaludMu pelaba rayeh, pad bunu'Mu matot idi tekeradung pa kiungMu.

NANI UBUR 81:15

Lemulun luk megateh Negku miak tekeradung pa kiungKu ku totdeh; idi ukumdeh macing ruked-ruked.

YEREMIA 11:19

Ui mepad kudeng anak dumba luk miak pitayen dengan na matot, ngaceku ui na kali' nedeh ngerawé nganau' luk dat kuanku. Kebaladeh, ‘Do' tau nebpeng kayuh ini kareb ieh do' ulun. Do' tau ngaté neneh, pelé seburur pana' nateh ngerawé neneh.’ ”

YEREMIA 18:18

Idi kebala lun mula', “Do' tau nala' ni Yeremia! Inan teh imam-imam luk miak mada' netau, idi lun mileh luk ngubuk netau, idi nabi-nabi luk miak mada' bala Allah. Do' tau ngadu' neneh, idi aleg ninger bada'neh.”

YEREMIA 20:10

Ui ninger lun mula' payek-payek. “Inan Luk Katot Iapeh-Iapeh.” Kebaladeh, “Do' tau ngadu' neneh!” Lun rurumku pana' pian ku ui mebpeh. Kebaladeh, “Miak ieh uen naluk lek. Do' tau ngakem neneh idi ngua' datneh.”

DANIEL 6:4

Idi lun ngimet idi pengulu luk baken nakap sala' Daniel bang kekamenneh. Iamo' na ideh kali' anun-anun sala' Daniel, ngaceku ieh mesiri idi na nganau' luk dat idi luk tekilu'.

MATIUS 27:2

Idi ideh nengaling Neneh, idi nenguit Neneh idi nemaré Neneh kuan Pilatus, luk ngimet bawang ineh.

MARKUS 3:2

Idi inan lemulun nenier Neneh, kudeng Ieh miak ngedo' lemulun ineh bang Aco luk inan Mudeng, pelé ideh miak ngadu' Neneh.

LUKAS 11:54

idi nganét Neneh, sikal nganau' abpung kuanNeh, pad ideh miak ngesala' balaNeh.

LUKAS 20:21

Idi keburi'deh Neneh, “O Guru, kai kali' Iko luk mala idi mada' dengan niat luk matu, idi na mili' ayu lemulun, iamo' dalan Allah bida'Mu dengan matu.

LUKAS 20:26

Idi na ideh miak ngesala' Neneh pa kiung lun mula'; idi ideh mawa ratnan orNeh, idi ideh ungeng.

2 PETRUS 2:3

Dengan lilideh ideh miak nakap tabpar rat nemuyuh dengan bala luk naluk. Iamo' ngaceku kekamendeh ineh, rat mon ukum pangeh tinina' kuandeh, idi atédeh na miak uen ngiuk.