LUKAS 20:17 - BALA LUK DO'

¹⁷ Iamo' Yésus nenier nedeh idi nepebala, “Anunké ilung ayat luk inayud bang Surat Tuhan ini, ‘Batu luk tila' lun luk mudut ruma', pangeh mangun ku batu lidung.’

LUKAS 20:17 Iomraidhean Croise

NANI UBUR 118:22

Batu luk tila' lemulun luk mudut ruma', nangun ku batu lidung luk meraben.

YESAYA 28:16

Kudeng ini bala Tuhan: “Ui nganau' déi' Sion aceh tapin luk meraben. Luun ineh Ui nganau' aceh batu lidung luk metueh. Idi bala ini inayud luunneh, ‘Lemulun luk manu mulai niat.’

SEKARIA 10:4

Amung lun luk ngedereh, ieh ineh lun luk ngimet, lun luk nguyut, idi lun rayeh baweh, perigéi' buro rat bawang Yahuda.

SEKARIA 3:9

Ui naped pa kiung Yosua aceh batu luk inan tudu' mateh! Idi Ui miak ngarit aceh arit luunneh, idi bang aceh aco mo' Ui miak nala' amung sala' tana' ini.

MATIUS 21:42

Yésus nepebala nedeh, “Naké muyuh nemaca' ayat ini bang Surat Allah? ‘Batu luk tila' lun luk mudut ruma' ineh pangeh mangun ku batu lidung. Ieh ineh inau' Tuhan, idi pelaba do' siren mateh tau.’ ”

MARKUS 10:23

Yésus nenier libut-libutNeh idi nepebala kuan anak-anak sekola'Neh, “Mikat tu-tu kuan lemulun luk mula' binaweh semuet bang Imet Allah!”

MARKUS 12:10

Naké muyuh nemaca' ayat bang Surat Allah: ‘Idi batu luk tila' lemulun luk mudut ruma' ineh, pangeh mangun ku batu lidung;

MARKUS 3:5

Idi Yésus nenier libut-libutdeh dengan museh idi mesusa' niat, ngaceku niatdeh metueh, idi kebalaNeh kuan lemulun luk mét ineh, “Natang ticu'mu!” Idi ieh nenatang ticu'neh, idi ticu'neh pana' nedo'.

LUKAS 19:41

Kareb Yésus muneng ku Yerusalim, idi Ieh nenier bawang ineh idi Ieh nenangi',

LUKAS 22:37

Ngaceku Ui pebala nemuyuh, anun-anun luk inayud ratnan bururKu na miak na uen ngacing teh, ieh ineh, ‘Idi Ieh pangeh iniap pad-pad dengan lemulun luk ngelaba ukum,’ ngaceku amung-amung luk petulu denganKu inan kekipedneh.”

LUKAS 22:61

Idi Yésus nelumi idi nenier Pétrus; idi Pétrus nengerawé ratnan bala Tuhan, mepad kudeng luk bilaNeh neneh atun, “Idi kareb nateh lal ngekook aco sini, iko miak ngalum Negku teluh kua'.”

LUKAS 24:44

Idi Ieh nepebala kuandeh, “Ini balaKu luk pangeh bilaKu kuan muyuh kareb Ui idi dengan muyuh atun, idi na miak na uen ngacing amung-amung luk pangeh inayud ratnan bururKu rat bang Ukum Musa, surat nabi-nabi, idi Nani Ubur ineh teh.”

YAHYA 15:25

Iamo' amung ini pangeh mangun kudeng ini, pad ngacing bala luk inayud bang Ukumdeh, ‘Idi ideh pangeh megateh Negku dengan na punneh.’

KEKAMEN RASUL-RASUL 4:11

Surat Allah ngegala' ratnan Yésus ineh, kebalaneh, ‘Batu luk tila' muyuh luk mudut ruma', mangun luk Batu Lidung.”

EPESUS 2:20

Muyuh pana' pinudut pa luun tapin luk rireng rasul-rasul idi nabi-nabi, idi batu lidung, ieh ineh Keristus Yésus sebuleng.

1 PETRUS 2:6

Ngaceku pangeh inayud bang Surat Allah, “Ui miak nganau' aceh Batu luk meraga ku Batu Lidung bang bawang Sion; idi lemulun luk manu Neneh na miak migu'.”