LUKAS 20:14 - BALA LUK DO'

¹⁴ Iamo' kareb lun matar kabun nenier anakneh ineh, idi ideh nepegayam seburur dengan seburur, keburi'deh, ‘Ini inulneh, do' tau ngaté neneh, pad babpatneh mangun ku binaweh tau.’

LUKAS 20:14 Iomraidhean Croise

NANI UBUR 2:8

Mutuh, idi Ui miak maré amung pupu kuanMu; amung tana' miak kuanMu muci.

NANI UBUR 89:27

Ui nganau' neneh mangun ku anakKu luk atun, idi raca' luk meluun rayeh.

MATIUS 16:7

Idi ideh nepegayam arangdeh sebuleng, keburi'deh, “Tau' na nenguit ruti.”

MATIUS 21:25

Rat iapehké rereb Yahya: rat surgaké, kian ratnan lemulun lek?” Idi ideh pesaad arangdeh sebuleng, keburi'deh, “Kudeng tau mala', Rat surga,’ idi Ieh miak pebala netau, ‘Ngudehké muyuh na manu neneh?’

MATIUS 21:34

Kareb malé macing karebneh kebua', ieh nengecuk demulun-demulunneh amé' inan lun matar kabun ineh, ngaceku pianneh ngalap babpat bua' ratnan kabunneh.

LUKAS 19:47

Idi anid-anid aco Yésus nemada' bang Ruma' Allah ineh. Iamo' imam-imam rayeh idi guru-guru Ukum, dengan lun rayeh pupu ineh nenakap dalan sikal ngaté Neneh.

LUKAS 20:13

Idi kebala tuan kabun anggur ineh, ‘Anunké luk miak ruenku? Do' ui ngecuk anakku luk inanku mawa; kian, ideh miak ngedita neneh lek.’

LUKAS 20:15

Idi ideh nenala' neneh rat bang kabun ineh idi nengaté neneh. “Nekini anunké luk ruen tuan kabun anggur ineh kuan lun matar kabun ineh?

LUKAS 20:19

Guru-guru Ukum idi imam-imam rayeh nakap dalan sikal ngakem Yésus, iamo' ideh matot nan pupu ineh; ngaceku ideh kali' luk pinginud ini bila Yésus kuan bururdeh sebuleng.

LUKAS 20:5

Idi ideh pegayam seburur dengan seburur, keburi'deh, “Kudeng tau mala, ‘Rata surga,’ Ieh miak pebala, “Ngudehké muyuh na manu neneh?’

LUKAS 22:2

Imam-imam rayeh idi guru-guru Ukum nenakap dalan ngaté Yésus; ngaceku ideh matot inan pupu ineh.

KEKAMEN RASUL-RASUL 2:23

Allah, maya' pian idi ilehNeh sebuleng, pangeh nemutut ratnan Yésus barén bang palad muyuh. Idi muyuh nengaté Neneh kareb muyuh nenima' lemulun luk dat nalib Neneh.

KEKAMEN RASUL-RASUL 3:15

Idi muyuh nengaté Lawa Ulun, iamo' Allah nenui Neneh rat arang lun naté, idi kai mangun ku lun nekali' ratnan amung ineh.

SURAT LUK BIRE PAULUS KUAN LUN RUM 8:17

Ngaceku tau ini anak-anakNeh, tau miak ngalap babpat luk litep Allah kuan pupuNeh. Idi teh tau ngalap babpat dengan Keristus, kudeng tau perurum medereh denganNeh, pad tau mepad uen ngerayeh denganNeh.

IBERANI 1:2

Iamo' kekipedneh Ieh nepebala kuan tau lemaba AnakNeh luk inau'Neh lutep pad miak ngalap luk amung-amung, idi rat Neneh teh pangeh inau' amung-amung luk pinudut.