LUKAS 20:13 - BALA LUK DO'

¹³ Idi kebala tuan kabun anggur ineh, ‘Anunké luk miak ruenku? Do' ui ngecuk anakku luk inanku mawa; kian, ideh miak ngedita neneh lek.’

LUKAS 20:13 Iomraidhean Croise

YESAYA 5:4

Inanké luk na inau'Ku kuanneh? Ngudehké bua'neh melam, idi na mepad kudeng luk pianKu?

YEREMIA 36:3

Kian, kareb lun Yahuda ninger ratnan amung-amung susa' luk ruenKu ngacing nedeh, idi ideh miak teketed ratnan kekamendeh luk dat lek. Idi Ui miak maré do' ratnan datdeh idi sala'deh.”

YEREMIA 36:7

Kian, ideh miak sembayang inan Tuhan idi teketed ratnan kekamendeh luk dat lek, ngaceku Tuhan pangeh nemada' pupu ini dengan usehNeh luk pelaba bura'.”

YEHISKIEL 12:3

“O lemulun, do' iko nipa mepad kudeng lemulun luk buro, idi nalan kareb aco macang. Nima' nelun baken nier namu nalan amé' su luk ulekmu. Kian, lun luk sikal metueh ineh miak kali' lek.

HOSIA 11:8

“O Israil, kudeng apehké Ui miak nala' nemuyuh? Kudeng apehké' Ui miak necan nemuyuh? Miakké Ui ngusag nemuyuh mepad kudeng Ui nengusag Adam, idi ngedereh nemuyuh, mepad kudeng Ui nengedereh Seboim? Na Ui mawang niat nganau' luk kudeng ineh! Ui méi' nemuyuh.

HOSIA 6:4

Iamo' kebala Tuhan, “O Israil idi Yahuda, anunké luk ruenKu kuan muyuh? Awa muyuh Negku saget buro mepad kudeng laput pa pekak. Ieh ineh mepad kudeng ipup luk buro kareb mét idang.

MATIUS 17:5

Idi uned ieh pebala, inan aceh laput luk merasat iné' ngelungung nedeh; idi inan aceh tang rat bang laput ineh luk nepebala, “Ini AnakKu luk inanKu mawa; idi Ui mawang niat Neneh; do' muyuh ninger balaNeh.”

MATIUS 3:17

Idi inan aceh tang rat bang langit luk nepebala, “Ini AnakKu luk inanKu mawa, idi Ui mawang niat Neneh.”

LUKAS 18:2

kebalaNeh, “Idi bang aceh bawang inan seburur lun luk mutut besara' luk na matot inan Allah, idi luk na ngerawé lemulun pana'.

LUKAS 18:4

Idi tuda'-tuda' io lun luk mutut besara' ineh na sikal, iamo' kekipedneh ieh ngerawé bang niatneh, ‘Sagan pana ui na matot inan Allah idi na ngerawé lemulun,

LUKAS 20:12

Muci ieh nengecuk demulunneh luk keteluh, iamo' demulun ineh pana' inuratdeh idi tila'deh.

LUKAS 20:14

Iamo' kareb lun matar kabun nenier anakneh ineh, idi ideh nepegayam seburur dengan seburur, keburi'deh, ‘Ini inulneh, do' tau ngaté neneh, pad babpatneh mangun ku binaweh tau.’

LUKAS 9:35

Inan aceh, tang rat bang laput ineh luk nepebala, “Ini AnakKu luk pinili'. Do' muyuh ninger Neneh.”

YAHYA 1:34

Idi kebala Yahya, “Ui pangeh nenier ineh, idi maré kali' nemuyuh ratnan Ieh ini Anak Allah.”

SURAT LUK BIRE PAULUS KUAN LUN RUM 8:3

Ukum ineh na miak ngagka' sala', ngaceku pinian burur lemulun luk melaya', iamo' Allah pangeh nengecuk AnakNeh sebuleng dengan ayu lemulun luk mesala' mangun ku baré ngaceku sala' ineh, pad ngukum sala' bang pinian burur.

GALATIA 4:4

Iamo' pangeh karebneh meriput Allah nengecuk AnakNeh luk tinganak ratnan seburur decur idi luk inau' mebeneh pa liang Ukum lun Yahudi,