LUKAS 20:10 - BALA LUK DO'

¹⁰ Idi kareb macing karebneh kebua', idi ieh nengecuk seburur demulunneh amé' ngalap sebabpat bua' anggur ineh rat nelun matar kabun ineh. Iamo' lun matar kabun ineh nemebal neneh idi nengecuk neneh muli' dengan na uang.

LUKAS 20:10 Iomraidhean Croise

RACA'-RACA' LUK PUN-PUN 22:24

Idi Sedekia nemepag kiung Mikaya, kebalaneh, “Kudeng apeh Roh Tuhan ineh mubuh rat negku pad ieh pebala namu?”

RACA'-RACA' LUK KEDUEH 17:13

Iamo' Tuhan pangeh nengecuk nelun dukenNeh idi nabi-nabi, mada' nelun Israil idi lun Yahuda, kebalaNeh, “Uren muyuh ratnan kekamen muyuh luk dat ineh, idi nginita amung balaKu maya' amung ukum luk bida'Ku kuan tepun muyuh idi luk pangeh icingKu nemuyuh teh dengan bada' amung lun dukenKu, ieh ineh amung-amung nabi.

INUL LUK PUN-PUN 19:4

Idi Hanun nengalap amung lun duken Daud ineh. Idi ieh nengiki nedeh, idi ieh nemulu' setangal ayungdeh macing i tipandeh. Idi ieh nengecuk nedeh muli'.

INUL LUK KEDUEH 16:10

Iamo' Asa museh nelun nabi ineh, idi nenganau' neneh bang papang bang tutup. Ngaceku ieh megateh neneh ngaceku balaneh ineh. Idi teh tuda'-tuda' burur lun anak itinneh pidereh Asa bang kareb ineh.

NEHEMIA 9:26

“Iamo' pupuMu sikal metueh rat Namu idi na maya' balaMu; ideh neteketed ratnan UkumMu. Ideh nengaté amung nabi luk nemada' nedeh, idi luk nengecuk nedeh lumi Namu. Idi ideh megéi' ngedat Namu,

NEHEMIA 9:30

Anid-anid lak Iko ngubuk nedeh. Nabi-nabiMu nepebala, iamo pupuMu mebengel, pad Iko nemaré pupu baken nengimet nedeh.

NANI UBUR 1:3

Ieh mepad kudeng aceh kayuh luk mulun tangeb abpa', luk megéi' kebua' anid kareb, idi donneh pana' na melayuh. Amung luk ruenneh inan ulek.

YEREMIA 2:30

Ui nengukum nemuyuh, iamo' na ulekneh, ngaceku muyuh na pian badén. Muyuh nengaté nabi muyuh, mepad kudeng balang luk mesangit.

YEREMIA 20:2

Idi Pasur nengecuk mebal neneh idi ngaling neneh bang Ruma' Allah munung Tanga' Beniamin luk pa luun.

YEREMIA 35:15

Idi Ui na ugka' maré demulunKu lun nabi luk ngecuk nemuyuh necan dalan muyuh luk dat pad muyuh nganau' luk do'. Ideh nemebpeng nemuyuh na sembayang inan allah baken, pad muyuh lutep tudo bang bawang luk biréKu kuan muyuh idi tepun muyuh. Iamo' na muyuh ninger idi maya' balaKu.

YEREMIA 5:24

Idi na muyuh nepebala bang niat muyuh, ‘Do' tau matot inan Tuhan Allah tau, luk maré udan maya' karebneh, ieh ineh udan luk pun-pun idi luk muci pana', luk maré aceh kareb inan tau ngeranih anid lak.’

LUKAS 13:34

“O Yerusalim, Yerusalim! Iko nengaté nabi-nabi, idi nemitung lemulun luk icuk amé' namu ku batu! Tuda' kua' Ui sikal ngamung anak-anakmu mepad kudeng aceh tineh lal luk ngerukub anak-anakneh liang iladneh, iamo' na muyuh sikal!

LUKAS 20:11

Idi ieh nengecuk seburur demulunneh luk baken teh, idi demulun ineh pana' bibaldeh, idi ideh nengigu' neneh idi nengecuk neneh muli' dengan na uang.

LUKAS 20:9

Idi Yésus nemada' aceh luk pinginud kuan lun mula', “Inan seburur lemulun luk nenganau' aceh kabun anggur; idi ieh nemaré kabun ineh uen tuda'-tuda' lun matar kabun ngacam. Idi ieh nenalan tuda'-tuda' io bang bawang baken.

YAHYA 15:16

Baken muyuh luk nemili' Negku, iamo' Ui ini luk nemili' nemuyuh idi nengeletep nemuyuh, pad muyuh amé' ngeruat mula' bua', idi pad bua' muyuh ineh meruked peh. Idi anun-anun luk pituen muyuh ratnan Taman bag ngadanKu, Ieh miak maré kuan muyuh.

SURAT LUK BIRE PAULUS KUAN LUN RUM 7:4

Kudeng ineh teh, O kinanak-kinanakku, muyuh ini pana' pinaté mepuit ratnan Ukum ineh ngaceku muyuh mangun ku sebabpat burur Keristus. Nekini muyuh mangun ku pupuNeh luk pangeh tinui rat arang lun naté, pad tau ngeruit bua'-bua' kuan Allah.