LUKAS 2:9 - BALA LUK DO'

⁹ Idi denak-denak sebuleng melaikat Tuhan netuped iringdeh, idi rayeh Tuhan pana' merasat libut-libutdeh, idi ideh pelaba tot.

LUKAS 2:9 Iomraidhean Croise

RACA'-RACA' LUK PUN-PUN 8:11

pad ideh na miak lemubed nganau' kekamendeh, ngaceku ubur Tuhan panu' bang Ruma' ineh.

PURA' 16:10

Idi kareb uned Arun mada' nedeh, idi kiungdeh lemiget sium pa su luk ali-ali. Idi denak-denak rasat Tuhan nesilagan bang laput.

PURA' 16:7

idi pekak nebpa muyuh kali' rayeh Tuhan. Ieh pangeh neninger dureng muyuh Neneh. Baken muyuh ngedureng nekai dueh. Na kai dueh mekudeh ku ineh.”

YESAYA 35:2

Su luk ali-ali meluun taga ratnan Pegkung Lebanon, idi mepad baleng kudeng tana' Karmel idi Saron; ieh ngitang idi menani ku awang niatneh. Amung lemulun miak nier ubur Allah, dengan rayeh idi laludNeh.

YESAYA 40:5

Idi rayeh Tuhan miak uen ngegala', pad siren amung lemulun. Amung ineh pangeh pijani' Tuhan.”

YESAYA 60:1

O Yerusalim, tumui iko, idi merasat mepad kudeng aco. Rayeh Tuhan merasat luunmu!

YEHISKIEL 3:23

Id ui iné luun raked, idi su ineh ui nenier rayeh Tuhan, mepad kudeng luk sinierku déi' tangeb Abpa' Kibar. Idi ui netekeradung luun tana',

MATIUS 1:20

Iamo' kareb ieh ngerawé kudeng ini, aceh melaikat Tuhan nesilagan neneh kareb ieh nenginupi, keburi'neh, “O Yusup, anak Daud, aleg iko merapang ngalap ni Mariam ku awanmu. Ngaceku luk bang nakanneh ineh inau' Roh Meligan.

LUKAS 1:28

Melaikat ineh iné' neneh, kebalaneh, “Awang kuanmu! Tuhan idi denganmu, idi pangeh nengeperuan namu.”

LUKAS 2:8

Idi bang bawang ineh pana' inan tuda'-tuda' lun matar luk tudo déi' natad matar aya'deh kareb malem aco.

LUKAS 24:4

Kareb ideh tuped idi mawa ratnan ineh, denak-denak dueh burur lemulun netuped iringdeh dengan ayung luk merasat.

YAHYA 12:41

Yésaya nepebala kudeng ini ngaceku ieh pangeh nenier rayeh Yésus idi nepebala ratnan Ieh.

KEKAMEN RASUL-RASUL 12:7

Denak-denak aceh melaikat Tuhan netuped déi', idi aceh acang merasat bang takep ineh. Idi melaikat ineh nengegio tudung Pétrus idi nengalat neneh, kebalaneh, “Tumui iko dengan mesaget.” Idi kaling ineh pana' netaka ratnan ticu'neh.

KEKAMEN RASUL-RASUL 27:23

Ngaceku malem ina aceh melaikat Allah luk inanku sembayang iné' negku,

KEKAMEN RASUL-RASUL 5:19

Iamo' kareb medacem seburur melaikat Tuhan nengukab amung-amung tanga' tutup ineh idi nenguit nedeh remuat idi kebalaneh nedeh,

2 KORINTUS 3:18

Iamo' tau amung-amung dengan kiung luk na ibpu, ngelubed rasat Allah mepad kudeng sayun, idi misu' kuan ayu ineh teh ratnan rasat macing amé' inan rasat ineh teh, mepad kudeng luk ratnan Tuhan, ieh ineh Roh.

2 KORINTUS 4:6

Allah luk pangeh nepebala, “Do' acang ineh merasat rat bang dacem,” Ieh ineh teh luk merasat bang niat kai, pad ngacang netau ku ileh ratnan rayeh Allah luk merasat nan kiung Yésus Keristus.

1 TIMOTIUS 3:16

Idi rayehneh luk inalum ineh ratnan baya' tau na miak belén. Ieh pangeh linigan bang burur lemulun, idi inau' matu ratnan Roh, idi ginala' kuan melaikat-melaikat. Ieh bida' arang amung-amung pupu, idi inan merapet bang tana', idi inuit umak dengan rayeh.

IBERANI 12:21

Ideh pelaba gagap ku luk sinierdeh ineh, pad Musa nepebala, “Ui pelaba tot idi megegker.”

BALA LUK LINIO 18:1

Pangeh ineh ui nenier aceh melaikat luk baken netemurun rat déi' langit. Ieh inan lalud luk rayeh, idi tana' ineh macang ku rasat melaikat ineh.

BALA LUK LINIO 20:11

Idi ui nenier aceh kerusi rayeh luk mebuda' idi Luk tudo luunneh ineh. Tana' idi langit netutu' rat pa kiungNeh, pad ineh na miak siren teh.