LUKAS 2:7 - BALA LUK DO'

⁷ Ieh nenganak aceh anak deléi, ieh ineh anak luk atun, idi ieh nengelabin Neneh ku kibung luk do' laya', idi nengerareng Neneh bang bau' sapi', ngaceku na luk idi luk inan kuan lemulun ineh bang ruma' sakai'.

LUKAS 2:7 Iomraidhean Croise

PUDUT 42:27

Idi seburur rat arangdeh nengukab tebpungneh, ngaceku sikal maman keladaineh nan natad luk inan ucu'. Idi ieh nenier usinneh munung tebpungneh ineh.

PUDUT 43:21

idi kareb kai nacing natad luk inan ucu' idi kai nengukab tebpung kai, idi anid-anid inan usin dengan petap beratneh munung tebpung ineh. Iamo' usin ineh inuit kai lemubed,

NANI UBUR 22:6

Iamo' na ui lemulun, iamo' bacuk, luk inan lun amung-amung situnga!

PURA' 4:24

Idi tangal dalan su luk inan nelupo, idi Tuhan nesilagan ni Musa ayuneh sikal ngaté neneh.

YESAYA 7:14

Tuhan sebuleng miak maré aceh tanu' namu. Inan seburur anak adi' decur luk mali'. Ieh miak nenganak aceh anak deléi idi ieh nganau' ngadanNeh ‘Immanuél.’

MATIUS 1:25

Iamo' na ieh nepamung neneh pad macing Mariam nenganak aceh anak deléi. Idi Yusup nenganau' ngadanNeh Yésus.

MATIUS 13:55

Bakenké Ieh ini anak lun ngakem kayuh? Bakenké tinanNeh luk ngadanneh Mariam, idi kinanak-kinanakNeh Yakub, Yusup, Simun, idi Yudas?

MATIUS 8:20

Idi kebala Yésus neneh, “Bungalé inan lubangdeh, idi suit-suit déi' arang gawa' pana' inan arardeh; iamo' Anak-Lemulun na luk inanNeh ngerareng uluhNeh.”

LUKAS 10:34

Ieh iné' matun neneh, idi nengutang umau idi abpa' anggur luunneh, idi nengabet uratneh. Pangeh ineh idi ieh nenganau' neneh tudo luun keladaineh sebuleng, idi nenguit neneh amé' ruma' sakai idi nengasa' neneh.

LUKAS 2:6

Idi kareb didueh déi' Baitlahim, Mariam pana' mabud bulanneh miak nenganak.

LUKAS 2:8

Idi bang bawang ineh pana' inan tuda'-tuda' lun matar luk tudo déi' natad matar aya'deh kareb malem aco.

YAHYA 1:14

Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.

2 KORINTUS 8:9

Ngaceku muyuh kali' katu Tuhan tau Yésus Keristus; sagan pana' Ieh lun do' Ieh mangun masi' ngaceku muyuh, pad dengan dalan asi'Neh ineh muyuh miak mangun ku lun do'.

GALATIA 4:4

Iamo' pangeh karebneh meriput Allah nengecuk AnakNeh luk tinganak ratnan seburur decur idi luk inau' mebeneh pa liang Ukum lun Yahudi,