LUKAS 2:51 - BALA LUK DO'

⁵¹ Idi Yésus nemaya' nedidueh nuli' iné' Nasarét. Idi Ieh nemaya' bala didueh. Idi tinanNeh nenganug amung ineh bang niatneh.

LUKAS 2:51 Iomraidhean Croise

PUDUT 37:11

Idi kinanak-kinanak Yusup mét niat neneh, iamo' tamanneh megéi' ngerawé bala ineh.

NANI UBUR 119:11

Ui ngimet ukumMu bang niatku, pad ui na nganau' sala' pa kiungMu.

DANIEL 7:28

Idi ini kekiped balaneh. Ui ini Daniel pelaba tot pad kiungku mebudi, iamo' ui nenganug bala ini bang niatku.

MATIUS 12:46

Uned Yésus pebala nelun mula', tinanNeh idi kinanak-kinanakNeh netuped déi' liang ruma', sikal pebala Neneh.

MATIUS 3:15

Iamo' kebala Yésus, “Aganeh nekini, ngaceku do' tau maya' amung-amung luk pian Allah.” Idi Yahya nemaya' balaNeh.

MARKUS 1:9

Na mio teh idi Yésus nacing rat Nasarét déi' tana' Galilia idi Yahya nengerereb Neneh bang Abpa' Yarden.

MARKUS 6:3

Bakenké Ieh ini lun ngakem kayuh, anak Mariam, idi kinanak Yakub, usup, Yudas idi Simun? Idi bakenké kinanak-kinanakNeh luk decur pana' idi dengan tau tungé'?” Idi ideh nesabeng ku Ieh.

LUKAS 18:37

Idi keburi'deh neneh, “Yésus lun Nasarét lemaba.”

LUKAS 2:19

Iamo' Mariam nengerawé amung bala ini bang niatneh.

LUKAS 2:39

Kareb ideh pangeh nenganau' amung-amung luk petulu maya' ukum Tuhan, idi ideh nuli' iné' Nasarét luk bang bawang Galilia.

LUKAS 4:16

Idi Yésus iné' Nasarét, su luk inanNeh tudo kareb Ieh anak. Idi kareb Aco luk inan Mudeng Ieh nesemuet bang ruma' sembayang maya' kudeng luk pekalai. Idi Ieh netuped sikal maca' Surat Allah.

LUKAS 4:23

Idi kebala Yésus nedeh, “Kali' rungen muyuh mada' luk pinginud ini kuanKu, ‘O Lun Ngubat, ngedo' bururMu sebuleng,” idi teh, ‘Do' Iko nganau' tungé' bang bawangMu sebuleng, mepad kudeng luk biladeh nekai ratnan luk inau'Mu déi' Kapernaum.’

EPESUS 5:21

Ngebeneh burur muyuh seburur dengan seburur dengan matot inan Keristus.

1 PETRUS 2:21

Ngaceku muyuh pangeh tinawar kuan luk kudeng ini, ngaceku Keristus pangeh nemabeh dereh teh ngaceku muyuh, idi Ieh nenecan dalan kuan muyuh pad muyuh miak maya lawéNeh.