LUKAS 2:49 - BALA LUK DO'

⁴⁹ Idi kebalaNeh nedidueh, “Anunké punneh medueh nakap Negku? Naké medueh kali' idi Ui kali' rungen bang ruma' TamanKu?”

LUKAS 2:49 Iomraidhean Croise

NANI UBUR 40:8

Ui pelaba geregan ku pianMu, O Allahku! Ui nganug' bada'Mu bang niatku.”

MALAKI 3:1

Idi Tuhan luk Melalud ngor bala muyuh, “Ui miak ngecuk nelun dukenKu nganau' temina' dalan kuanKu. Idi denak-denak Tuhan luk tekapen muyuh miak macing bang Ruma'Neh. Idi lun duken luk inan muyuh mawang niat miak macing idi mada' jani'Ku.”

MATIUS 21:12

Yésus nesemuet bang Ruma' Allah, idi nemasut amung lemulun luk masui idi luk melih binaweh bang Ruma' Allah ineh. Ieh nengelukeb méja-méja lemulun luk ngelibal rigit, idi kerusi-kerusi lemulun luk masui suit sukur ineh,

LUKAS 2:48

Idi taman-tinanNeh mawa nenier Neneh, idi keburi' tinanNeh kuanNeh, “O Anakku, anunké punneh Iko nganau' kudeng ini kuan kai? Kai dueh dengan mesusa' nakap Namu.”

YAHYA 4:34

Idi kebala Yésus nedeh, “AkanKu, ieh ineh nganau' luk pianNeh luk nengecuk Negku, idi ngeriput kekamenNeh.

YAHYA 5:17

Iamo' kebala Yésus nedeh, “TamanKu ngakem kidi-kidi, idi Ui pana' ngakem teh.”

YAHYA 5:36

Iamo' Ui inan aceh luk nemaré kali' luk meluun rayeh ratnan luk nekali' Yahya ineh. Kekamen luk inau'Ku, luk icuk TamanKu ruenKu, maré kali' ratnan Ui, idi ngegala' ratnan Ui icuk TamanKu.

YAHYA 6:38

Ngaceku Ui netemurun rat surga, pad nganau' pianNeh luk nengecuk Negku, baken maya' pianKu sebuleng.

YAHYA 8:29

Idi Ieh luk nengecuk Negku idi denganKu, idi na Ieh necan Negku sebuleng, ngaceku Ui megéi' maya' luk pianNeh.”

YAHYA 9:4

Do' tau nganau' kekamen Allah luk nengecuk Negku ini kareb aco macang teh. Ngaceku dacem sikal macing idi kareb ineh seburur pana' na miak ngakem.