LUKAS 2:4 - BALA LUK DO'

⁴ Yusup nenalan rat bawang Nasarét bang babpat Galilia iné' Baitlahim bang bawang Yudia, ngaceku ieh inul Daud.

LUKAS 2:4 Iomraidhean Croise

PUDUT 35:19

Kareb Rakel naté, idi ieh tinanem iring dalan amé' déi' Eprata (ieh ineh Baitlahim).

PUDUT 48:7

Ui nganau' kudeng ini ngaceku tinanmu Rakel naté déi' tana' Kanaan muneng ku Eprata kareb ui muli' rat Mesopotamia. Idi ui nenanem neneh dengan susa' niatku déi' dalan luk amé' Eprata (ieh ineh Baitlahim).”

MIKA 5:2

“O Baitlahim Eprata, iko aceh bawang luk meluun isuut déi' Yahuda. Iamo' Ui nguit aceh Raca' rat namu kuan lun Israil, luk inul tetek ruma'deh rat mon.”

MATIUS 1:20

Iamo' kareb ieh ngerawé kudeng ini, aceh melaikat Tuhan nesilagan neneh kareb ieh nenginupi, keburi'neh, “O Yusup, anak Daud, aleg iko merapang ngalap ni Mariam ku awanmu. Ngaceku luk bang nakanneh ineh inau' Roh Meligan.

MATIUS 2:23

Idi ieh iné' tebawang bang bawang Nasarét; pad ngacing luk bila nabi-nabi, kebaladeh, “Ieh miak tetanen Lun Nasarét.”

LUKAS 2:3

Idi amungdeh iné' pad uen ngiap bang bawangdeh sebuleng.

LUKAS 2:5

Yusup iné' uen ngiap pad- pad dengan Mariam, tudukneh luk mali'.

LUKAS 4:16

Idi Yésus iné' Nasarét, su luk inanNeh tudo kareb Ieh anak. Idi kareb Aco luk inan Mudeng Ieh nesemuet bang ruma' sembayang maya' kudeng luk pekalai. Idi Ieh netuped sikal maca' Surat Allah.

YAHYA 1:46

Idi keburi' Nataniel neneh, “Miakké Nasarét ngacing anun-anun luk do'?” Idi keburi' Pilipus neneh, “Amé' iko idi nier.”

YAHYA 7:42

Pangeh inayud bang Surat Allah, Keristus ineh inul Daud, idi uen nenganak déi' Baitlahim su luk inan Daud tudo.”

SURAT RUT 1:19

Idi didueh nenalan pad macing déi' Baitlahim. Kareb didueh nacing bawang Baitlahim amung lun bang bawang ineh negagap. Kebala dawa' decur, “Ini Naomiké?”

SURAT RUT 2:4

Idi Boas nacing rat Baitlahim. Idi kebalaneh kuan lun luk ngeranih ineh, “Do' Tuhan ngedengan nemuyuh.” Idi ideh nengor balaneh, “Do' Tuhan ngeperuan namu.”

SURAT RUT 4:11

Idi kebala lun mula', “Amung kai mangun ku lun nekali'.” Idi kebala amungdeh luk lun rayeh, “Idi do' Tuhan nganau' decur ini luk amé' bang ruma'mu, mepad kudeng Rakel idi kudeng Lia luk pangeh nenginul nelun Israil. Merapet namu mangun ku lun do' bang bawang Eprata, idi mebala bang bawang Baitlahim.

SURAT RUT 4:17

Idi amung decur luk bang bawang ineh nenganau' ngadan anak ineh Obed, kebaladeh, “Anak ini tinganak kuan Naomi.” Idi ieh mangun ku taman Isai luk taman Daud.

SEMUIL LUK PUN-PUN 16:1

Kebala Tuhan ni Semuil, “Tuda' ioké iko mesusa' ku Saul luk pangeh tila'Ku pad ieh na mangun ku raca'? Do' ngalap umau saitun idi nalan. Ui ngecuk namu amé' ni Isai luk déi' Baitlahim. Ngaceku Ui pangeh nemili' sebuleng anakneh mangun ku raca'.”

SEMUIL LUK PUN-PUN 16:4

Idi Semuil nenganau' luk bida' Tuhan. Idi ieh iné' déi' Baitlahim. Idi nacing amung lun rayeh bawang ineh iné' papu' neneh dengan megegker, idi kebaladeh, “Do'ké acingmu ini?”

SEMUIL LUK PUN-PUN 17:12

Daud, ieh ineh anak seburur lun Eprata rat Baitlahim Yahuda, ngadanneh Isai. Ieh inan ualuh anak deléi. Idi bang kareb imet Saul, Isai pangeh mengered idi melaya' burur.

SEMUIL LUK PUN-PUN 17:58

Idi kebala Saul neneh, “Anak idé iko ni?” Idi Daud nengor balaneh, “Ui ini anak Isai lun dukenmu, ieh ineh lun Baitlahim.”

SEMUIL LUK PUN-PUN 20:6

Idi kudeng i tamam ngitun namu, ‘Iapeh i Daud?’ do' iko mada' kudeng ini, ‘Ieh nemutuh negku nima' neneh muli' amé' Baitlahim dengan miket, ngaceku déi' inan baré kuan pupuneh, kudeng luk pekalai anid-anid lak.’