LUKAS 2:25 - BALA LUK DO'

²⁵ Idi déi' Yerusalim inan seburur lemulun, ngadanneh Simion. Ieh ineh lemulun luk matu idi luk matot inan Allah, idi ieh nganét aco luk inan Israil uen ngulun. Idi Roh Meligan idi denganneh.

LUKAS 2:25 Iomraidhean Croise

PUDUT 6:9

Ini bala ratnan Noh. Ieh inan teluh anak, Sem, Ham, idi Yapet. Noh ineh selemulun luk matu idi mesiri niat arang lemulun bang kareb ineh. Idi ieh perurum dengan Allah.

AYUB 1:1

Inan aceh lemulun luk ngadan Ayub, luk tudo bang bawang Us. Ieh sembayang inan Allah idi lutep maya' Neneh. Ieh ineh aceh lemulun luk pelaba do', idi luk na pian nganau' anun-anun luk dat.

AYUB 1:8

Kebala Tuhan, “Kali'mu demulunKu Ayub? Luun tana' ineh, seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat.”

YESAYA 25:9

Kareb ineh, amung lemulun miak pebala, “Ieh ineh Tuhan tau! Tau pangeh merapet Neneh idi Ieh nemuit netau idi nekini tau pelaba awang niat, ngaceku Ieh nengulun netau!”

YESAYA 40:1

Kebala Allah muyuh, “Do' muyuh ngubuk pupuKu!

MIKA 6:8

O lun muyuh, Tuhan pangeh nemada' nemuyuh ratnan luk do'. Kudeng ini luk dukenNeh nemuyuh: nganau' luk mesiri, idi do' lutep bang awa. Maya' Allah muyuh dengan mebeneh niat.

IAP 11:25

Idi Tuhan netemurun bang laput ineh idi nepebala neneh. Idi Tuhan nengalap ratnan Roh luk ni Musa, idi ieh nemaré ineh kuan tudu' ngepulu' lun rayeh ineh. Kareb Roh ineh pana' iné' nedeh, idi ideh nengimun mada' luk biré Roh. Iamo' ideh nenganau' kudeng ineh sekua' mo'.

IAP 11:29

Iamo' kebala Musa neneh, “Ngudehké iko megagau ngaceku ui? Meluun do' amung pupu Tuhan mangun ku nabi, pad Tuhan maré RohNeh nedeh!”

MARKUS 15:43

idi Yusup lun Arimatia nacing. Yusup ineh seburur lun tebubpun besara' idi luk buren. Ieh sebuleng teh nganét Imet Allah, idi dengan mekuu' ieh iné' matun Pilatus idi nemutuh butung Yésus.

LUKAS 1:41

Kareb Elisabet neninger tabi' Mariam ineh, idi anak luk bang nakanneh ineh pana' nesigio, idi Elisabet pana' nepanu' ku Roh Meligan.

LUKAS 1:6

Idi didueh ineh lemulun luk matu pa kiung Allah, idi maya' amung-amung bala idi ukum Tuhan dengan na sala'.

LUKAS 1:67

Idi Sekaria taman Yahya nepanu' ku Roh Meligan idi ieh nemada' bala luk biré Allah, kebalaneh,

LUKAS 2:38

Kareb ineh teh ieh nacing maré ubur inan Allah, idi nepebala ratnan anak ineh kuan amung lemulun luk nganét Allah nguli' Yerusalim.

KEKAMEN RASUL-RASUL 10:2

Ieh ineh selemulun luk sembayang idi luk manu inan Allah dengan amung uang tetek ruma'neh. Ieh megéi' maré kuan lun Yahudi luk masi'. Idi ieh megéi' sembayang inan Allah.

KEKAMEN RASUL-RASUL 10:22

Idi keburi'deh, “Ngaceku Kornilius, seburur lun rayeh baweh nengecuk nekai amé'. Ieh ineh seburur lemulun luk matu luk sembayang inan Allah. Idi ieh buren amung lun Yahudi. Melaikat Allah nengecuk neneh neteng namu amé' ruma'neh ninger bala rat namu.”

KEKAMEN RASUL-RASUL 2:5

Idi inan tuda'-tuda' lun Yahudi luk tudo déi' Yerusalim, luk mepicet bang sembayangdeh, luk nacing rat anid-anid bawang bang tana' ini.

KEKAMEN RASUL-RASUL 24:16

Ngaceku ineh ui megéi' ngekél bururku sebuleng pad teruayen niatku na mesala' pa kiung Allah idi pa kiung lemulun pana'.

BADA' RATNAN UKUM 18:15

Ngaceku ineh Ieh maré kuan muyuh aceh Nabi rat arang uned kinanak-kinanak muyuh luk mepad kudeng ui ini, idi do' muyuh ninger Neneh.

2 PETRUS 1:21

ngaceku na luk idi bala nabi luk macing maya' pian lemulun, iamo' acingneh ratnan Allah, idi bila lemulun luk tigio Roh Meligan.