LUKAS 2:14 - BALA LUK DO'

¹⁴ “Amung rayeh kuan Allah bang langit luk meluun dita', idi awang luun tana' rat arang lemulun luk inanNeh mawa!”

LUKAS 2:14 Iomraidhean Croise

YESAYA 44:23

O amung langit, ngitang mawang niat! O tana' luk pa liang do' ngitang! O pegkung idi kayuh luk bang pulung, do' ngitang mawang niat! Tuhan nengulun pupuNeh Israil idi nengegala' rayehNeh.

YESAYA 49:13

O langit, do' menani! O tana', ngitang mawang niat! Nima' amung pegkung menani teh! Tuhan miak ngubuk pupuNeh. Ieh méi' nan pupuNeh luk medereh.

YESAYA 57:19

Ui maré awang kuan amung-amungdeh luk muneng idi luk mado'! Ui ngedo' pupuKu.

MIKA 5:5

idi Ieh luk ngacing pedo'. Kareb lun Asur ngerieng bawang tau idi ngusag libung tau luk meraben, tau miak ngecuk nelun rayeh-rayeh tau luk meluun tueh amé' munu' nedeh.

MATIUS 21:9

Idi lun mula' luk nenalan pa atunNeh idi pa ketedNeh nengitang, keburi'deh, “Ngubur Anak Daud! Samal kuanNeh luk macing bang ngadan Tuhan! Ngubur Allah!”

LUKAS 1:79

rat surga Ieh ngacang lemulun luk tudo bang lungung até luk medacem, idi nguyut netau amé' inan dalan awang.”

LUKAS 19:38

kebaladeh, “Samal kuan Raca' luk macing bang ngadan Tuhan; awang déi surga, idi ubur kuan Allah!”

LUKAS 2:13

Denak-denak aceh baweh luk rayeh rat surga netuped dengan melaikat ineh, idi nengubur Allah, kebaladeh:

LUKAS 2:15

Idi kareb amung melaikat ineh nelemubed rat nedeh iné' surga, idi lun matar ineh nepebala seburur dengan seburur, “Amé' tau déi' Baitlahim idi nier luk pangeh nangun ineh, luk pangeh bida' Tuhan netau.”

LUKAS 3:22

idi Roh Meligan netemurun luunNeh maya' ayu burur, mepad kudeng aceh suit sukur. Idi inan aceh tang rat bang langit luk pabala, “Iko ini AnakKu luk inanKu mawa. Ui mawang niat Namu.”

YAHYA 14:27

“Ui necan awang kuan muyuh, idi Ui maré awangKu sebuleng kuan muyuh. Ui na maré ineh kuan muyuh maya' lawé tana' ini. Aleg muyuh megagau niat idi aleg matot.

YAHYA 17:4

Ui pangeh nengerayeh Namu bang tana', idi nengeriput kekamen luk Iko nemaré kuanKu.

YAHYA 3:16

Ngaceku Allah mawa kuan uang tana' ini, pad Ieh nemaré Anak bulengNeh, idi idé'-idé luk manu Neneh na miak maté, iamo' ieh ngalap ulun luk meruked.

KEKAMEN RASUL-RASUL 10:36

Muyuh kali' bala luk icing Allah kuan lun pupu Israil, ieh ineh Bala luk Do' ratnan awang luk lemaba Yésus Keristus, ieh ineh luk Tuhan amung lemulun.

SURAT LUK BIRE PAULUS KUAN LUN RUM 5:1

Ngaceku tau inau' matu ratnan anu, idi tau ngalap pedo' dengan Allah ngaceku Tuhan tau Yésus Keristus.

EPESUS 1:6

Do' tau ngubur Allah ngaceku katuNeh luk pelaba rayeh, luk biréNeh kuan tau bang anakNeh luk inanNeh mawa!

EPESUS 1:9

Allah nenganau' luk pianNeh, pad Ieh nengegala' kuan tau terawéNeh luk inalum ineh, luk litepNeh miak uen ngeriput lemaba Keristus.

EPESUS 2:4

Iamo' éi' Allah pelaba rayeh, idi awaNeh kuan tau pana' rayeh,

EPESUS 2:7

Allah nenganau' ini pelé ngegala' macing ruked-ruked, katuNeh luk pelaba rayeh, ieh ineh awaNeh luk ginala' kuan tau bang Keristus Yésus.

PILIPI 2:11

idi amung-amung dila' miak ngamo idi Yésus Keristus ineh Tuhan, kuan rayeh Allah, ieh ineh Taman.

PILIPI 2:13

Ngaceku Allah, Ieh ineh luk ngakem bang nemuyuh pad muyuh geregan idi ngakem teh sikal ngacing pianNeh luk do' ineh.

KOLOSE 1:20

Idi ratnan Anak ineh luk amung-amung inau' Allah pedo' dengan bururNeh, do' luk bang tana' ini idi luk bang langit pana', kareb Ieh pangeh nengacing pedo' ratnan dara' Keristus luun kayuh salib.

2 TESALONIKA 2:16

Do' Tuhan tau Yésus Keristus sebuleng, idi Allah Taman tau, luk pangeh mawa netau idi nemaré ubuk luk meruked idi rapet luk do' ngaceku ratnan katuNeh,

BALA LUK LINIO 5:13

Idi ui ninger teh anid-anid pudut luk bang surga, idi luk bang tana', idi luk pa liang tana', idi luk bang abpa' rayeh, idi amung-amung luk bangneh ineh pebala, “KuanNeh luk tudo luun kerusi raca', idi kuan Anak Dumba ineh inan ubur, dita' rayeh, idi lalud, macing ruked-ruked!”