LUKAS 2:11 - BALA LUK DO'

¹¹ Aco sini aceh Lun Ngulun pangeh tinganak kuan muyuh bang bawang Daud, ieh ineh Keristus Tuhan ineh.

LUKAS 2:11 Iomraidhean Croise

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

PUDUT 49:10

Idi lalud ngimet na miak buro rat ni Yahuda. Idi rukud imet raca' na buro rat neneh, pad Ieh luk kuan rukud ineh miak macing. Idi amung-amung pupu miak maya' Neneh.

NANI UBUR 2:2

Amung raca'deh sikal metueh, idi amung lun luk ngimet nedeh pamung sikal metueh ratnan Tuhan idi raca'Neh luk pinili'.

YESAYA 9:6

Anak ineh tinganak kuan tau, Anak deléi pangeh biré kuan tau! Idi amung-amung lalud uen ngerareng luun tudungNeh. Ieh miak tetanen “Luk Nan Mawa,” “Lun luk ngimet,” “Allah luk Melalud,” “Taman luk Meruked,” idi “Raca' Awang.”

MATIUS 1:16

Yakub nenginul Yusup, ieh ineh awan Mariam; idi Mariam nenganak Yésus luk titen Keristus.

MATIUS 1:21

Idi Mariam miak nenganak aceh anak deléi; idi do' iko nganau' ngadanNeh Yésus, ngaceku Ieh luk miak ngulun pupuNeh ratnan sala'deh.”

MATIUS 16:16

Idi kebala Simun Pétrus, “Iko Keristus, Anak Allah luk mulun.”

MATIUS 16:20

Idi Yésus neperiteteng kuan anak-anak sekola'Neh, pad na mada' kuan seburur lemulun pana', ratnan Ieh Keristus.

LUKAS 1:43

Kudeng apehké peruan ini mangun kuanku, pad tinan Tuhanku iné' ngikak negku?

LUKAS 1:69

Ieh nemaré aceh Lun Nengulun luk melalud kuan tau, ieh ineh inul demulunNeh Daud.

LUKAS 2:26

Idi Roh Meligan pangeh nengelio kuanneh, ratnan ieh na miak maté kareb nateh ieh nenier Keristus Tuhan ineh.

LUKAS 2:4

Yusup nenalan rat bawang Nasarét bang babpat Galilia iné' Baitlahim bang bawang Yudia, ngaceku ieh inul Daud.

YAHYA 1:41

Idi Andrias nepapu' kinanakneh Simun, idi nepebala neneh, “Kai pangeh nepapu' Mesias” (luk ilungneh Keristus).

YAHYA 1:45

Pilipus nenakap Nataniel, idi nepebala neneh, “Kai pangeh nepapu' Yésus, luk pangeh ginala' Musa bang Surat Ukum idi nabi-nabi pana', ieh ineh Yésus, anak Yusup lun Nasarét.”

YAHYA 11:27

Idi kebala Marta, “Mo, Tuhan, ui manu idi Iko ineh Keristus, Anak Allah, luk macing bang tana' ini.”

YAHYA 20:31

Amung-amung ini pangeh inayud, pad muyuh miak manu, idi Yésus ineh Keristus, Anak Allah, pad muyuh luk manu ineh miak ngalap ulun bang ngadanNeh.

YAHYA 4:25

Idi keburi' decur ineh Neneh, “Ui kali' Mesias luk titen Keristus miak macing. Kareb Ieh macing, Ieh miak mada' netau ratnan luk amung-amung.”

YAHYA 4:42

Idi kebaladeh nan decur ineh, “Nekini kai manu, baken ngaceku luk bilamu mo', iamo' kai sebuleng pangeh neninger balaNeh idi kai nekali', idi Ieh ineh Lun Nengulun tana' ini.”

YAHYA 6:69

Kai ini pangeh manu idi kali', idi Iko ineh Luk Meluun Ligan luk macing ratnan Allah.”

YAHYA 7:41

Lun baken nepebala, “Ieh ini Keristus.” Inan teh lun baken nepebala, “Keristus na miak macing rat Galilia!

KEKAMEN RASUL-RASUL 10:36

Muyuh kali' bala luk icing Allah kuan lun pupu Israil, ieh ineh Bala luk Do' ratnan awang luk lemaba Yésus Keristus, ieh ineh luk Tuhan amung lemulun.

KEKAMEN RASUL-RASUL 13:23

Idi ratnan inul Daud ini, Allah pangeh nemaré kuan lun pupu Israil seburur Lun Nengulun, ieh ineh Yésus, maya' jani'Neh.

KEKAMEN RASUL-RASUL 17:3

dengan nemada' idi nengelio ratnan Keristus na miak na medereh idi tumui rat arang lun naté, keburi'neh, “Yésus luk ui mada' kuan muyuh, Ieh ineh Keristus.”

KEKAMEN RASUL-RASUL 2:36

“Ngaceku ineh do' amung-amung lun Israil kali' dengan megala' ratnan Allah pangeh nenganau' Yésus luk sinalib muyuh ineh mangun ku Tuhan idi Keristus.”

KEKAMEN RASUL-RASUL 5:31

Ieh kinikit Allah tudo pa tinuehNeh mangun ku Raca' idi Lun Nengulun, pad nguit nelun pupu Israil uren idi ngalap do' ratnan sala'.

1 KORINTUS 15:47

Adam luk atun ineh inau' ratnan tana', idi ieh nacing ratnan tana'; Adam luk kedueh ineh nacing rat surga.

PILIPI 2:11

idi amung-amung dila' miak ngamo idi Yésus Keristus ineh Tuhan, kuan rayeh Allah, ieh ineh Taman.

PILIPI 3:8

Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

KOLOSE 2:6

Muyuh pangeh nengalap Keristus Yésus Tuhan tau. Ngaceku ineh, do' ulun muyuh lutep bang Neneh.

1 YAHYA 4:14

Kai pangeh nenier, idi maré kali', ratnan Taman ineh pangeh nengecuk AnakNeh mangun ku Lun Nengulun tana' ini.

1 YAHYA 5:1

Idé-idé luk manu idi Yésus ineh Keristus, idi lemulun ineh tinganak ratnan Allah, idi idé-idé luk mawa inan Taman, ieh pana' mawa inan anakNeh teh.