LUKAS 2:10 - BALA LUK DO'

¹⁰ Iamo' kebala melaikat ineh nedeh, “Aleg matot, ngaceku ui ngacing kuan muyuh aceh bala luk do' ratnan awang luk rayeh luk miak macing kuan amung-amung pupu.

LUKAS 2:10 Iomraidhean Croise

PUDUT 12:3

“Ui ngeperuan idé-idé luk ngeperuan namu. Iamo' Ui ngediman lemulun luk ngediman namu. Idi rat namu amung-amung pupu luk bang tana' ini miak ngalap peruan.”

YESAYA 40:9

O Yerusalim, amé' luun pegkung luk medita', idi mada' bala luk do'! O Sion do' iko ngitang, idi mada' bala luk do'! Aleg matot pebala. Mada' amung bawang Yahuda ratnan acing Allahdeh!

YESAYA 41:27

Ui ini Tuhan luk pun-pun nemada' bala ineh kuan Sion. Ui nengecuk lun duken amé' mada' Yerusalim, kebalaneh, ‘Pupumu muli'.’

YESAYA 49:6

Kebala Tuhan Negku, “O DemulunKu, Ui inan kekamen luk meluun rayeh kuanMu. Baken Iko nguli' pupu Yakub, idi inul Israil mo'. Iamo' Ui nganau' Namu ku acang amung pupu, pelé Iko ngacing ulun bang aput tana'.”

YESAYA 52:10

Tuhan nengulun pupuNeh ku laludNeh luk meligan, pad kali' aput tana'.

YESAYA 52:7

Pelaba do' ayu lemulun luk guta pegkung pian nguit bala luk do', ieh ineh bala awang! Ieh mada' ratnan tuehneh, idi kebalaneh kuan Sion, “Allah muyuh ineh raca'!”

YESAYA 61:1

Roh Tuhan Allah idi pa luunKu, ngaceku Ieh pangeh nengumau Negku, Pad Ui mada' Bala luk Do' kuan lun masi', idi ngedo' lemulun luk nginuud idi mebeneh niat, idi mada' puit kuan lemulun luk tiban, idi teh kuan lemulun luk tinutup.

DANIEL 10:19

KebalaNeh, “Allah mawa namu, aleg megagau idi matot. Do' iko mekuu'.” Kareb Ieh pangeh nepebala, idi ui metueh, idi kebalaku, “O Tuhan, anunké luk belénMu. Ngaceku ui do' inau'Mu.”

SEKARIA 9:9

O lun Sion, do' muyuh mawang niat! O lun Yerusalim, do' ngitang mawang niat! Siruh, raca' muyuh amé' nemuyuh! Ieh luk meluun tueh, iamo' mebeneh niat, idi nalan maya' anak keladai.

MATIUS 14:27

Iamo' petacu Yésus nepebala nedeh, kebalaNeh, “Aleg merapang! Ui ini, aleg matot.”

MATIUS 28:18

Yésus iné' nedeh, kebalaNeh, “Amung-amung lalud bang surga idi bang tana' pana' pangeh biré Negku.

MATIUS 28:5

Idi kebala melaikat nan decur-decur ineh, “Aleg muyuh matot, ngaceku ui kali' muyuh nakap Yésus luk pangeh sinalib ineh.

MARKUS 1:15

KebalaNeh, “Karebneh pangeh macing, idi Imet Allah pangeh muneng. Do' muyuh uren idi manu ku Bala luk Do' ini.”

MARKUS 16:15

Idi kebalaNeh, “Do' muyuh amé' aput-aput tana' idi mada' Bala luk Do' ini kuan amung-amung lemulun.

LUKAS 1:13

Iamo' kebala melaikat neneh, “Aleg matot, O Sekaria, Allah pangeh neninger putuhmu, idi awanmu Elisabet ineh miak nenganak aceh anak deléi kuanmu. Idi do' iko nganau' ngadanneh Yahya.

LUKAS 1:19

Idi kebala melaikat neneh, “Ui ini Gabriel luk tuped pa kiung Allah. Ui pangeh icuk pebala namu idi ngacing bala luk do' ini.

LUKAS 1:30

Idi kebala melaikat neneh, “O Mariam, aleg matot! Iko pangeh nengalap katu ratnan Allah.

LUKAS 2:11

Aco sini aceh Lun Ngulun pangeh tinganak kuan muyuh bang bawang Daud, ieh ineh Keristus Tuhan ineh.

LUKAS 24:47

idi bang ngadanNeh miak badén dalan uren idi do' ratnan sala' kuan amung-amung pupu, ngimun rat Yerusalim.

LUKAS 8:1

Na mio ratnan ineh, idi Yésus nenalan libut-libut bawang idi ruma' ineh, idi nemada' Bala luk Do' ratnan Imet Allah. Idi pulu' dueh anak sekola' ineh nemaya' Neneh.

KEKAMEN RASUL-RASUL 13:32

Idi kai ini nguit Bala luk Do' kuan muyuh, ieh ineh pejani' luk biré Allah kuan tepun tau,

SURAT LUK BIRE PAULUS KUAN LUN RUM 10:15

Idi kudeng apehké bala ineh miak badén, kudeng lun luk mada' na icuk? Maya' kudeng luk inayud, “Kudeng apeh do' ayu lengayan amung-amung lemulun luk nguit Bala luk Do'.”

EPESUS 3:8

Idi kuanku ini luk pelaba dat rat arang amung-amung lun manu, katu ineh pangeh biré pad ui miak mada' Bala luk Do' kuan lun pupu baken ratnan do' Keristus luk na kekipedneh,

KOLOSE 1:23

kudeng muyuh lutep bang anu, idi meraben, pad muyuh na miak bebuen ratnan rapet bang Bala luk Do', luk pangeh pindenger muyuh, idi luk pangeh bida' kuan amung-amung pudut luk pa liang langit. Idi ui ini Paulus luk pangeh nangun ku lun luk mada' ineh.