LUKAS 19:9 - BALA LUK DO'

⁹ Idi kebala Yésus neneh, “Bang aco sini ulun nacing kuan uang tetek ruma' ini, ngaceku lemulun ini teh luk iniap ku anak Ibrahim.

LUKAS 19:9 Iomraidhean Croise

LUKAS 13:16

Iamo' decur ini, seburur anak Ibrahim luk inabet Sétan, pangeh pulu ualuh lak kinioneh, naké ieh do' puatin ratnan abet ini bang Aco luk inan Mudeng?”

LUKAS 13:30

Idi lemulun luk pa muci miak amé' pa atun; idi lemulun luk pa atun miak amé' pa muci.”

LUKAS 16:24

Idi ieh nengitang, keburi'neh, ‘O tamanku Ibrahim! Méi' negku, idi ngecuk Lasarus amé' negku idi ngerereb paped bua' ticu'neh bang abpa', idi ngeteneb dila'ku ngaceku ui pelaba dereh bang apui ini.’

LUKAS 16:30

Idi keburi' lun do' ineh, ‘Na ineh petap, O tamanku Ibrahim, iamo' kudeng seburur lemulun rat arang lun naté amé' nedeh, kali' rungen ideh uren.’

LUKAS 2:30

Matehku pangeh nenier ulun luk rat Namu,

LUKAS 3:8

Do' muyuh ngeruat bua'-bua' luk petulu dengan uren, idi aleg muyuh ngimun pebala bang niat muyuh, ‘Ibrahim, ieh ineh tepun kai,’ ngaceku ui pebala nemuyuh, Allah melalud ngisu' batu-batu ini mangun ku anak-anak Ibrahim.

SURAT LUK BIRE PAULUS KUAN LUN RUM 4:16

Ini punneh luk lapen ineh macing ratnan anu, ieh ineh maya' katu, pad pejani' ineh uen lutep kuan inul Ibrahim, baken kuan luk inan Ukum mo', iamo' kuan luk manu mepad kudeng Ibrahim, luk mangun ku taman amung-amung tau,

GALATIA 3:14

Keristus nenganau' ineh, pad peruan luk ratnan Ibrahim miak macing kuan lun pupu baken bang Keristus Yésus, pelé tau miak ngalap Roh luk pijani' ineh ngaceku ratnan anu.

GALATIA 3:29

Kudeng muyuh mangun ku pupu Keristus, kali' rungen muyuh inul Ibrahim luk ngalap babpat petulu dengan pejani' Allah ineh.

GALATIA 3:7

Ngaceku ineh do' muyuh kali', idi amung-amung lemulun luk manu ineh anak-anak Ibrahim luk matu.

1 PETRUS 2:10

Atun muyuh baken pupu Allah, iamo' nekini muyuh mangun ku pupu Allah. Atun muyuh na kali' éi' Allah, iamo' nekini muyuh pangeh nengalap éi'Neh.