LUKAS 19:8 - BALA LUK DO'

⁸ Sakius netuped idi nepebala inan Tuhan, “Sebuang ratnan binawehku, O Tuhan, ui maré kuan lemulun luk masi', idi kudeng ui pangeh nengalap binaweh dulun dengan naluk, ui maré lemubed apat kua' kinula'neh.”

LUKAS 19:8 Iomraidhean Croise

SEMUIL LUK KEDUEH 12:6

Na miak na ieh maré apat anak dumba ku libal anak dumba ineh neneh. Ngaceku ieh pangeh nenganau' kudeng ineh, idi na méi'.”

NANI UBUR 41:1

Samal kuan lemulun luk méi' nelun masi'; Tuhan ngedengan neneh kareb ieh mesusa'

PURA' 20:16

“Aleg iko ngadu' nelun denganmu dengan mebalih.

BALE' 6:31

iamo' kudeng ieh uen ngakem, na miak na ieh ngua' tudu' kua' kinula' luk ilapneh, ieh ineh amung-amung luk ieh kuan.

YEHISKIEL 33:15

ieh ineh ieh ngelubed duduk luk ilapneh ku libal luk kinabit, idi ieh maré lemubed luk pinoneh — kudeng ieh uleg ratnan sala', pad ieh maya' ukum luk maré ulun, na ieh maté, iamo' ieh mulun.

IAP 5:7

idi do' ieh ngamo sala'neh, idi ngua' anun luk ilapneh rat nelun baken, idi naduk sebabpat limeh.

LUKAS 11:41

Iamo' maré kuan lun masi' anun-anun luk bang sangkir idi bigan muyuh, idi luk amung-amung miak meligan kuan muyuh.

LUKAS 12:33

Do' muyuh masui binaweh muyuh idi maré kuan lun masi'. Idi nganau' kuan burur muyuh kapil-kapil luk na miak melu, idi ngamung binaweh muyuh déi' surga, ieh ineh su luk inan lun mano na semuet, idi kutang na miak kuman.

LUKAS 16:9

Idi teh kebala Yésus, “Ui pebala nemuyuh: nganau' lun rurum kuan burur muyuh sebuleng dengan binaweh tana' ini luk na matu ineh; idi kareb binaweh tana' ini metutu' rat nemuyuh, muyuh miak lapen amé' bang ruma' luk meruked.

LUKAS 19:7

Amung lemulun luk nenier ratnan ineh dureng-dureng, idi nepebala, “Ieh iné' tudo dengan lun luk mesala'.”

LUKAS 7:13

Kareb Tuhan nenier decur ineh, idi Ieh méi' neneh, kebalaNeh, “Aleg iko nangi'.”

SEMUIL LUK PUN-PUN 12:3

Idi nekini ui idi. Kudeng ui pangeh nenganau' sala', do' ngadu' negku pa kiung Tuhan idi pa kiung raca' luk pinili'Neh. Idé kuan sapi' idi keladai luk pangeh ilapku? Idi idé luk pangeh sinalukku? Idi idé luk pangeh piderehku? Idi rat arang idé luk inanku nengalap suap? Kudeng ui pangeh nenganau' luk kudeng ineh, ui miak ngua' amung ineh.”