LUKAS 19:47 - BALA LUK DO'

⁴⁷ Idi anid-anid aco Yésus nemada' bang Ruma' Allah ineh. Iamo' imam-imam rayeh idi guru-guru Ukum, dengan lun rayeh pupu ineh nenakap dalan sikal ngaté Neneh.

LUKAS 19:47 Iomraidhean Croise

MATIUS 21:23

Kareb Yésus nesemuet bang Ruma' Allah, imam-imam rayeh idi lun rayeh ratnan pupu ineh, iné' Neneh kareb Ieh mada', idi keburi'deh, “Dengan lalud anunké Iko nganau' kekamen ini? Idi idéké luk nemaré lalud ini kuanMu?”

MATIUS 26:55

Idi Yésus nepebala kuan lun mula', “Muyuh remuat ayu-ayu sikal pebunu' dengan lun manoké, dengan pelapet idi kayuh pad ngakem Negku? Anid-anid aco Ui netudo mada' ago déi' bang Ruma' Allah, idi nateh muyuh nengakem Negku.

MARKUS 11:18

Idi bala ineh nekali' imam-imam rayeh idi guru-guru Ukum idi ideh nenakap dalan sikal ngaté Neneh; ngaceku ideh matot Neneh, ngaceku amung lun mula' pana' mawa ku bada'Neh ineh.

MARKUS 12:12

Lun Yahudi nenakap dalan sikal ngakem Yésus, ngaceku ideh kali' luk pinginud ineh bilaNeh ratnan ideh sebuleng. Iamo' ideh matot nelun mula', idi ideh nenima' Neneh idi ideh nenalan.

MARKUS 14:1

Inan teh dueh aco ketecan kareb nateh Irau Paska idi Irau Ruti luk Na Lamud. Idi imam-imam rayeh idi guru-guru Ukum nenakap dalan sikal ngakem Yésus dengan lulem pad ngaté Neneh.

MARKUS 14:49

Bang anid-anid aco Ui idi arang muyuh idi mada' nemuyuh bang Ruma' Allah, idi nateh muyuh nengakem Negku. Iamo' na miak na bala luk inayud bang Surat Allah uen ngacing.”

LUKAS 19:48

Idi na ideh kali' anun-anun luk miak ruendeh ineh, ngaceku amung pupu ineh merapet Neneh idi sikal ninger balaNeh.

LUKAS 20:19

Guru-guru Ukum idi imam-imam rayeh nakap dalan sikal ngakem Yésus, iamo' ideh matot nan pupu ineh; ngaceku ideh kali' luk pinginud ini bila Yésus kuan bururdeh sebuleng.

YAHYA 10:39

Idi sekua' teh ideh nenakap dalan sikal ngakem Neneh, iamo' Yésus mepuit rat bang paladdeh.

YAHYA 18:20

Idi kebala Yésus neneh, “Ui ini pangeh nepebala dengan megala' kuan uang tana' ini; megéi Ui mada' bang ruma' sembayang idi bang Ruma' Allah, ieh ineh su luk inan amung lun Yahudi pamung. Idi sebuleng pana' na Ui nemala dengan ngalum.

YAHYA 7:19

Naké Musa nemaré Ukum kuan muyuh? Idi na luk idi seburur pana' rat arang muyuh luk maya' Ukum ineh. Anunké punneh muyuh nakap dalan sikal ngaté Negku?”

YAHYA 7:44

Sebuangdeh sikal ngakem Neneh, iamo' seburur pana' nateh luk mekuu'.