LUKAS 19:46 - BALA LUK DO'

⁴⁶ kebalaNeh, “Pangeh inayud, ‘Ruma'Ku miak tetanen ruma' luk inan sembayang.’ Iamo' muyuh ini nganau' neneh mangun ku lubang lun mano.”

LUKAS 19:46 Iomraidhean Croise

NANI UBUR 93:5

UkumMu meruked, O Tuhan, idi Ruma'Mu meligan, macing ruked-ruked.

YESAYA 56:7

“Ui nated nemuyuh amé' Sion, pegkungKu luk meligan ineh, idi maré nemuyuh mawang niat bang ruma' sembayangKu. Idi Ui ngalap luk barén muyuh luun bubpunKu. Ruma'Ku miak tetanen ruma' luk inan sembayang kuan amung-amung pupu.”

YEREMIA 7:11

Inanké muyuh ngerawé ruma'Ku ini inan lun luk mano sigapung? Ui kali' kekamen muyuh. Ui ini Tuhan pangeh nepebala.

YEHISKIEL 43:12

Ini ukum ratnan Ruma' Allah: Amung tana' libut-libutneh ineh meluun ligan.”

HOSIA 12:7

Kebala Tuhan, “Lun Israil mepad kilu' kudeng lun Kanaani; ku timang luk na matu bang paladdeh ideh pian naluk lemulun luk melih.

MATIUS 21:13

kebalaNeh nedeh, “Pangeh inayud bang Surat Allah, ‘Ruma'Ku tetanen ruma' luk inan sembayang,’ iamo' muyuh nganau' ineh mangun ku su luk inan lun mano.”

MATIUS 23:13

“Mesusa' kuan muyuh guru-guru Ukum idi lun Parisi, lun luk siayu! Muyuh ngitek tanga' Imet surga kuan lun baken, ngaceku muyuh sebuleng na sikal semuet, idi muyuh mebpeng nelun baken luk sikal semuet teh.

MARKUS 11:17

Idi Ieh nemada' nelun mula' kebalaNeh, “Pangeh inayud, ‘Ruma'Ku miak tetanen ruma' luk inan sembayang kuan amung-amung pupu.’ Iamo' muyuh pangeh nenganau' neneh mangun ku lubang lun mano.”