LUKAS 19:42 - BALA LUK DO'

⁴² kebalaNeh, “Pelaba do' kudeng aco sini iko kali' ratnan luk miak nguit awang! Iamo' nekini iko na miak nier ineh.

LUKAS 19:42 Iomraidhean Croise

NANI UBUR 32:6

Ngaceku ineh, do' amung pupuMu luk manu sembayang Namu kareb inan susa'. Kareb inan abpa' tubu' belen, na ieh miak macing nedeh.

NANI UBUR 81:13

Ui pelaba pian pupuKu ninger balaKu; idi pian nedeh maya' ukumKu,

YESAYA 44:18

Lemulun luk kudeng ineh palaba bacé, idi na kali' luk ruendeh. Ideh rudap mateh idi ngitek terawédeh pad na kali' luk matu.

YESAYA 48:18

“Kudeng muyuh pangeh nengalap amung ukumKu, awang niat manud nemuyuh mepad kudeng abpa' luk na mekeket! Idi tueh melipak amé' nemuyuh, mepad kudeng ribut déi' abpa' rayeh.

YESAYA 55:6

Lumi inan Tuhan idi sembayang pa kiungNeh, kareb Ieh muneng nemuyuh.

YEREMIA 13:17

Kudeng muyuh na ninger, ui miak nangi' dengan lulem ngaceku dita' niat muyuh. Ui miak nangi', pad abpa' matehku mebpeh, ngaceku pupu Tuhan pangeh tiban.

YEHISKIEL 33:11

Mada' nedeh, Ui ini Tuhan Allah luk mulun na sikal nier lun luk mesala' maté. Ui pian nier neneh uleg ratnan sala' idi mulun. O Israil, ugka' nganau' kekamen luk dat. Ngudehké iko sikal maté?

LUKAS 19:41

Kareb Yésus muneng ku Yerusalim, idi Ieh nenier bawang ineh idi Ieh nenangi',

LUKAS 19:43

Aconeh miak macing namu, idi bunu'-bunu'mu miak ngar libut-libutmu, idi ngerieng namu idi ngelibut namu.

LUKAS 19:44

Ideh miak ngusag namu idi ngaté anak-anakmu, idi sebuleng batu pana' luk pebuun dengan luk baken na ketecan bang namu, ngaceku iko na nekali' karebneh Allah iné' ngulun namu.”

KEKAMEN RASUL-RASUL 10:36

Muyuh kali' bala luk icing Allah kuan lun pupu Israil, ieh ineh Bala luk Do' ratnan awang luk lemaba Yésus Keristus, ieh ineh luk Tuhan amung lemulun.

KEKAMEN RASUL-RASUL 13:46

Iamo' Paulus idi Barnabas meluun mekuu' mada', kebala didueh, “Setuneh bala Allah ineh na miak na belén atun kuan muyuh, iamo' ngaceku muyuh pangeh nengarung balaNeh idi ngerawé burur muyuh na mayu ngalap ulun luk meruked, idi kai necan nemuyuh idi amé' nelun pupu baken.

BADA' RATNAN UKUM 32:29

Kudeng ideh mileh, kali' rungen ideh kali' amung ineh, idi miak kali' kekipeddeh.

BADA' RATNAN UKUM 5:29

Idi meluun do' ideh megéi' matot Negku idi nginita amung balaKu, pad ideh idi anak-anakdeh do' udeng macing ruked-ruked!

IBERANI 3:13

Iamo' do' mada' arang muyuh sebuleng anid-anid aco, seruked “Aco Sini” miak tetanen, pad seburur pana' rat arang muyuh na mangun metueh niat ngaceku saluk sala'.

IBERANI 3:15

Ngaceku pangeh inayud: “Bang aco sini kudeng muyuh ninger balaNeh, aleg muyuh ngetueh niat muyuh mepad kudeng bang kareb muyuh sikal metueh.”

IBERANI 3:7

Ngaceku ineh maya' bala Roh Meligan, “Bang aco sini kudeng muyuh ninger bala Allah,