LUKAS 19:38 - BALA LUK DO'

³⁸ kebaladeh, “Samal kuan Raca' luk macing bang ngadan Tuhan; awang déi surga, idi ubur kuan Allah!”

LUKAS 19:38 Iomraidhean Croise

SEKARIA 9:9

O lun Sion, do' muyuh mawang niat! O lun Yerusalim, do' ngitang mawang niat! Siruh, raca' muyuh amé' nemuyuh! Ieh luk meluun tueh, iamo' mebeneh niat, idi nalan maya' anak keladai.

MATIUS 2:2

keburi'deh, “Su apehké Raca' lun Yahudi luk tinganak mebaruh? Ngaceku kai pangeh nenier gituenNeh luk pa busat aco. Idi kai macing sikal sembayang Neneh.”

MATIUS 21:9

Idi lun mula' luk nenalan pa atunNeh idi pa ketedNeh nengitang, keburi'deh, “Ngubur Anak Daud! Samal kuanNeh luk macing bang ngadan Tuhan! Ngubur Allah!”

MATIUS 25:34

Idi Raca' ineh sikal pebala kuan lemulun luk pa tinuehNeh, ‘Amé' muyuh luk pangeh nengalap peruan ratnan TamanKu, lapen muyuh rat pun-pun tana' pinudut.

MATIUS 25:40

Idi Raca' ineh sikal ngor, kebalaNeh, ‘Ui pebala nemuyuh, ngaceku muyuh nenganau' kudeng ini kuan seburur kinanakKu lun dat, ieh ineh luk inau' kuanKu teh.’

LUKAS 13:35

Nekini ruma' muyuh pangeh tican ali-ali. Ui pebala nemuyuh, idi na muyuh miak nier Negku teh, pad macing kareb luk muyuh pebala, ‘Samal kuanNeh luk macing bang ngadan Tuhan!’ ”

SURAT LUK BIRE PAULUS KUAN LUN RUM 5:1

Ngaceku tau inau' matu ratnan anu, idi tau ngalap pedo' dengan Allah ngaceku Tuhan tau Yésus Keristus.

EPESUS 1:12

Ngaceku ineh, do' tau ini luk pun-pun merapet inan Keristus ineh, ngubur rayeh Allah!

EPESUS 1:6

Do' tau ngubur Allah ngaceku katuNeh luk pelaba rayeh, luk biréNeh kuan tau bang anakNeh luk inanNeh mawa!

EPESUS 3:10

pad bang kareb ini tuda'-tuda' ileh Allah miak badén sidang kuan amung-amung luk ngimet idi lalud luk déi' surga.

EPESUS 3:21

idi rayeh kuan Allah bang sidang idi bang Keristus Yésus, pad macing amung-amung inul, ruked-ruked peh. Amin.

KOLOSE 1:20

Idi ratnan Anak ineh luk amung-amung inau' Allah pedo' dengan bururNeh, do' luk bang tana' ini idi luk bang langit pana', kareb Ieh pangeh nengacing pedo' ratnan dara' Keristus luun kayuh salib.

1 TIMOTIUS 1:17

Idi amung-amung dita' idi rayeh kuan Raca' luk meruked, luk na miak maté, idi luk na miak siren, ieh ineh Allaah luk Sebuleng, ruked-ruked peh! Amin.

1 PETRUS 1:12

Idi kuan nabi-nabi ineh pangeh ginala' Allah, baken ideh ngakem kuan bururdeh sebuleng, iamo' kuan muyuh, bang luk amung-amung luk pangeh bida' kuan muyuh nekini lemaba nabi-nabi ineh luk tigio Roh Meligan luk paneh icuk macing rat surga pad ngacing Bala luk Do' kuan muyuh. Idi ratnan luk kudeng ineh melaikat-melaikat pana' sikal kali'.