LUKAS 19:27 - BALA LUK DO'

²⁷ Iamo' bunu'-bunu'ku ineh luk na sikal negku mangun ku raca'deh, do' nguit nedeh amé; tungé' idi ngaté nedeh pa kiungku.’ ”

LUKAS 19:27 Iomraidhean Croise

SEMUIL LUK KEDUEH 23:7

Iamo' tabpa' ineh lapen ku belawan idi busu, pad ideh sabpen.”

NANI UBUR 109:20

Do' Tuhan ngukum bunu'ku, luk nguyo negku, kudeng ineh!

NANI UBUR 2:9

Iko miak ngimet nedeh dengan ticu' belawan, idi mila' nedeh mepad kudeng kuden.’ ”

YESAYA 66:14

Kareb muyuh kali' amung ineh mangun, muyuh miak mawang niat, pad muyuh metueh idi do' ulun. Kareb ineh muyuh kali' Ui ini Tuhan ngedengan lemulun luk maya' balaKu, idi ngegala' usehKu kuan amung bunu'Ku.”

YESAYA 66:6

Do' muyuh ninger arod luk rayeh ineh bang bawang Yerusalim idi bang Ruma' Allah. Ieh ineh arod Tuhan luk ngukum amung bunu'Neh!

NAHUM 1:2

Tuhan Allah temaruh; Ieh ngukum nelun luk sikal metueh rat Neneh, idi Ieh ngua' nedeh dengan useh.

NAHUM 1:8

Mepad kudeng ereb luk rayeh, Ieh ngusag amung-amung luk sikal metueh rat Neneh. Ieh ngerada' amung bunu'Neh, pad ideh mabud maté.

MATIUS 22:7

Raca' ineh pelaba useh; idi ieh nengecuk lun pebunu'neh amé' ngaté lemulun luk nengaté ineh. Idi ideh nenutung bawangdeh.

LUKAS 19:14

Iamo' lun bang bawang ineh megateh neneh, idi nengecuk lun duken ngerada' neneh, keburi'deh, ‘Kai na sikal lemulun ini mangun ku raca' kai.’

LUKAS 20:16

Kali' rungen ieh macing sikal ngaté amung-amung lun matar kabun ineh idi maré kabun anggur ineh kuan lun baken teh.” Kareb ideh neninger bala luk kudeng ineh, idi ideh nepebala, “Na tu kudeng ineh!”

LUKAS 21:22

Ngaceku ieh ineh Aco Ngukum, pad amung-amung luk inayud bang Surat Allah miak macing.

LUKAS 21:24

Sebuang lemulun miak pitayen ku pelapet, idi lun baken miak tebanen amé' bang amung bawang luk baken; idi Yerusalim miak riduen-riduen lun luk na manu, pad macing kareb imetdeh mabud.

IBERANI 10:13

Nekini Ieh nganét su ineh pad amung-amung bunu'Neh mangun ku tapin kukudNeh.

SEMUIL LUK PUN-PUN 11:12

Idi kebala lun mula' ineh ni Semuil, “Idé' luk nepebala, ‘Miakké i Saul ngimet netau?’ Nguit lemulun ineh amé' tungé' pad kai ngaté nedeh.”