LUKAS 19:18 - BALA LUK DO'

¹⁸ Idi luk kedueh iné' neneh, keburi'neh, ‘O tuan, sebalad amasmu ineh pangeh mangun ku limeh balad.’

LUKAS 19:18 Iomraidhean Croise

MATIUS 13:23

Idi luk inisak luun tana' mebaleng, ieh ineh lemulun luk ninger bala, idi do' kali' ilungneh; idi ieh kebua' idi ngeruat mula' uli', sebuang meratu ula'neh, sebuang anem ngepulu' ula'neh, idi sebuang teluh ngepulu' ula'neh.”

MATIUS 25:22

Idi ieh luk nengalap dueh ngeribu rigit iné' teh, idi keburi'neh, ‘Tuan, iko nemaré negku atun dueh ngeribu rigit. Siruh, ui pangeh nengalap uli'neh dueh ngeribu rigit teh.’

MARKUS 4:20

Iamo' lun baken mepad kudeng luk inisak luun tana' luk do'. Ideh ninger bala ineh, idi ngalap neneh, idi ieh kebua' idi ngeruat mula' uli': inan luk teluh ngepulu', inan luk anem ngepulu', idi inan teh luk meratu kinula'neh.”

LUKAS 19:13

Kareb nateh ieh nenalan ieh nenawar pulu' burur demulunneh idi nemaré kuan anid bururdeh sebalad amas kebalaneh, ‘Do' muyuh pepua' pad macing ui muli'.’

LUKAS 19:17

Idi keburi' tuan ineh neneh, ‘Do' luk inau'mu, O demulun luk do'! Ngaceku iko pangeh nelutep bang luk isuut, iko miak ngimet pulu' bawang.’

LUKAS 19:19

Idi keburi' tuan kuan demulun ineh teh, ‘Iko miak ngimet limeh bawang.’

2 KORINTUS 8:12

Kudeng muyuh mawang niat maré, Allah ngalap baré muyuh maya' kinula' binaweh muyuh, baken maya' luk na ilap muyuh.