LUKAS 19:17 - BALA LUK DO'

¹⁷ Idi keburi' tuan ineh neneh, ‘Do' luk inau'mu, O demulun luk do'! Ngaceku iko pangeh nelutep bang luk isuut, iko miak ngimet pulu' bawang.’

LUKAS 19:17 Iomraidhean Croise

PUDUT 39:4

Idi Potipar mawang niat neneh. Idi ieh nengiding neneh ngimet bang ruma'neh. Idi amung-amung binawehneh biréneh bang palad Yusup.

BALE' 27:18

Ngasa' gita', pad iko kuman bua'neh. Demulun luk ngasa' tuanneh uen ngedita'.

MATIUS 25:21

Idi tuanneh nepebala neneh, ‘Do' luk inau'mu, O demulun luk do' idi lutep niat. Iko pangeh nelutep ratnan luk isuut, pad ui sikal nganau' namu ngimet luk mula'. Do' iko ngalap awang pad-pad denganku.

LUKAS 16:10

Lemulun luk lutep niat bang kekamen luk isuut ini, ieh teh lutep niat bang kekamen luk rayeh; idi lemulun luk na matu bang kekamen luk isuut, ieh teh na matu bang kekamen luk rayeh.

LUKAS 19:16

Idi luk pun-pun iné' neneh, idi nepebala, ‘O tuan, sebalad amasmu ineh pangeh mangun ku pulu' balad.’

LUKAS 19:18

Idi luk kedueh iné' neneh, keburi'neh, ‘O tuan, sebalad amasmu ineh pangeh mangun ku limeh balad.’

LUKAS 22:30

Muyuh miak kuman idi ngirup luun sebuleng téng denganKu bang ImetKu, idi muyuh miak tudo luun kerusi idi ngukum pulu' dueh babpat pupu Israil.

SURAT LUK BIRE PAULUS KUAN LUN RUM 2:29

Iamo' lun Yahudi luk matu ineh, ieh ineh lun Yahudi bang niatneh. Idi sunat luk matu ineh, ieh ineh sunat bang niat, ieh ineh luk ratnan Roh, idi baken maya' urup mo'. Idi ubur lemulun ineh baken ratnan lemulun iamo' ratnan Allah.

1 KORINTUS 4:5

Ngaceku ineh aleg muyuh ngukum idé-idé pana' kareb nateh karebneh, ieh ineh kareb nateh Tuhan macing. Ieh miak ngegala' anun-anun luk inapung bang dacem, idi Ieh ngelio amung-amung pinian niat lemulun. Anid-anid burur miak ngalap ubur ratnan Allah.

2 TIMOTIUS 2:10

Ineh punneh ui tuman ratnan amung-amung ngaceku pupu Allah luk pinili', pad ideh pana' ngalap ulun bang Keristus Yésus dengan rayeh luk meruked.

1 PETRUS 1:7

pad anu muyuh luk matu uen ngegala'. Amas pana' luk miak melu ineh uen nutun ku apui, idi anu muyuh luk meluun raga ratnan amas, na miak na uen nutun, pad ieh meraben. Kareb ineh muyuh miak ngalap ubur, rayeh, idi dita', kareb Aco Yésus Keristus uen ngegala'.

1 PETRUS 5:4

Idi kareb Lun Rayeh lun matar ineh uen ngegala', muyuh miak ngalap pata rayehNeh luk na miak mekarang.

SEMUIL LUK PUN-PUN 2:30

Ui ini Tuhan Allah lun Israil pangeh nepejani', pad lun bang tetek ruma'mu idi inulmu pana' miak mangun ku imam kuanKu macing ruked-ruked. Iamo' nekini Ui ini Tuhan pebala, “Na Ui nganau' kudeng ineh! Iamo' idé-idé luk ngubur Negku miak buren. Idi idé-idé luk ngesala' Negku, ieh ineh miak uen ngedereh.