LUKAS 19:12 - BALA LUK DO'

¹² Ngaceku ineh kebala Yésus, “Inan seburur lun do' luk nenalan iné' bawang luk mado, pad ieh miak mangun ku raca'. Pangeh ineh ieh miak lemubed.

LUKAS 19:12 Iomraidhean Croise

MATIUS 21:38

Iamo' kareb lun matar kabun ineh nenier anakneh, idi ideh nepegayam seburur dengan seburur, keburi'deh, ‘Ini inulneh; do' tau ngaté neneh, pad tau ngalap babpatneh.’

MATIUS 28:18

Yésus iné' nedeh, kebalaNeh, “Amung-amung lalud bang surga idi bang tana' pana' pangeh biré Negku.

MARKUS 12:1

Yésus nengimun pebala nedeh dengan aceh luk pinginud, “Inan seburur lemulun luk nenibu aceh kabun anggur, ieh nengar libut-libutneh, ieh nengukat luk inanneh misak bua' anggur ineh, idi ieh nemudut aceh lepo luk medita'. Idi ieh nemaré kabun ineh icam tuda'-tuda' lun matar kabun, idi ieh iné' bawang baken.

MARKUS 16:19

Kareb Tuhan Yésus pangeh nepebala nedeh, idi Ieh nekemikit iné' surga idi netudo pa tinueh Allah.

LUKAS 20:9

Idi Yésus nemada' aceh luk pinginud kuan lun mula', “Inan seburur lemulun luk nenganau' aceh kabun anggur; idi ieh nemaré kabun ineh uen tuda'-tuda' lun matar kabun ngacam. Idi ieh nenalan tuda'-tuda' io bang bawang baken.

LUKAS 24:51

Uned Ieh nengeperuan nedeh, idi Ieh nepatad rat nedeh, idi Ieh nekemikit umak iné' surga.

YAHYA 18:37

Idi keburi' Pilatus Neneh, “Iko pana' seburur raca ké?” Idi kebala Yésus, “Matu kudeng buri'mu, Ui ini seburur raca' Ini punneh Ui pangeh tinganak, idi nacing bang tana' ini pad Ui maré kali' ratnan luk matu. Idé-idé luk geregan ku luk matu ineh, ieh luk ninger balaKu.”

KEKAMEN RASUL-RASUL 17:31

Ngaceku Ieh pangeh nengeletep seaco luk inanNeh maré ukum luk matu kuan amung tana' ini ratnan Selemulun luk pinili'Neh. Idi bala ini pangeh ginala' Allah kuan amung-amung lemulun, kareb Ieh nenui Lemulun ineh rat arang lun naté.”

1 KORINTUS 15:25

Ngaceku na miak na Keristus mangun ku raca', pad Allah ngebeneh amung-amung bunu'Neh pa liang kukudNeh.

IBERANI 9:28

Kudeng ineh teh Keristus pana' pangeh biré sekua' mo' pad mabeh sala' lun mula'. Idi Ieh miak macing sekedueh kua', baken pad mabeh sala' lemulun teh, iamo' pad ngulun lemulun luk nginulat Neneh.

1 PETRUS 3:22

luk pangeh numak iné' surga, idi tudo pa tinueh Allah, idi amung-amung melaikat idi lalud idi luk ngimet pana' inau' mebeneh rat Neneh.

BALA LUK LINIO 1:7

Siruh, Ieh macing dengan laput! Ieh miak siren amung lemulun, meluun teh lemulun luk nenebpek Neneh; idi amung-amung pupu bang tana' ini miak temido Neneh. Kali' rungen ineh mangun. Amin!