LUKAS 18:9 - BALA LUK DO'

⁹ Idi Yésus nemada' luk pinginud ini teh kuan tuda'-tuda' lemulun luk ngerawé bururdeh matu, idi luk nengebeneh lemulun baken.

LUKAS 18:9 Iomraidhean Croise

BALE' 30:12

Inan lemulun luk ngerawé bururdeh meligan, iamo' setuneh ideh pelaba lutak.

YESAYA 65:5

Ideh ngecuk lun baken na muneng nedeh, ngaceku ideh meligan idi na miak kamen. Ui megateh inan lemulun luk kudeng ineh — usehKu nedeh mepad kudeng apui luk na maté.

YESAYA 66:5

O muyuh luk matot inan Tuhan idi luk maya' ukumNeh, do' ninger balaNeh: “Sebuang pupu muyuh megateh nemuyuh idi na sikal perurum nemuyuh, ngaceku muyuh lutep maya' Negku. Ideh situnga nemuyuh, kebaladeh, ‘Kai pian nier nemuyuh mawang niat, nima' Tuhan ngegala' rayehNeh pad ngulun nemuyuh.’ Iamo' ideh ineh luk uen ngigu'!

UKUM 13:32

Idi aco luk ketudu' do' imam nier luk métneh. Kudeng na puruh ineh iuk kuman medalem idi na abpukneh mebirar, idi na ieh melagan medalem bang kubilneh,

LUKAS 10:29

Iamo' guru Ukum ineh sikal ngamo bururneh mesiri, idi keburi'neh kuan Yésus, “Idéké lun denganku ineh?”

LUKAS 15:2

Idi lun Parisi idi guru-guru Ukum ngedureng, kebaladeh, “Lemulun ini nawar lun mesala' idi pamung kuman dengandeh.”

LUKAS 16:15

Iamo' kebala Yésus nedeh, “Muyuh luk ngatu burur muyuh sebuleng pa kiung lemulun, iamo' Allah kali' niat muyuh; ngaceku anun-anun luk siren medita' pa kiung lemulun, na ulekneh pa kiung Allah.

LUKAS 18:11

Lun Parisi ineh netuped idi nesembayang bang niatneh kudeng ini, ‘O Allah, ui maré ubur kuanMu, ngaceku ui baken kudeng lemulun luk baken, ieh ineh lemulun luk mano, lemulun luk na mesiri, lemulun luk pasét, idi lun luk ngamung usin pupuk ini pana'.

LUKAS 19:7

Amung lemulun luk nenier ratnan ineh dureng-dureng, idi nepebala, “Ieh iné' tudo dengan lun luk mesala'.”

LUKAS 7:39

Kareb lun Parisi nenier ineh, idi ieh nepebala bang niatneh, “Kudeng lemulun ini seburur nabi, kali' rungen Ieh kali' idé' decur luk ngakem Neneh ineh, idi Ieh kali' neneh mesala'!”

YAHYA 8:48

Idi lun Yahudi nengor bala Yésus, keburi'deh, “Bakenké matu luk bila kai, Iko seburur lun Samaria, idi Iko sinuet ada'?”

YAHYA 9:28

Idi ideh nengedat neneh, kebaladeh, “Iko ini luk anak sekola'Neh, iamo' kai ini anak sekola' Musa.

YAHYA 9:34

Idi ideh nengor balaneh, keburi'deh, “Matu iko ini tinganak bang sala', idi iko sikal mada' nekaiké?” Idi ideh nenala' neneh rat bang ruma' sembayang.

KEKAMEN RASUL-RASUL 22:21

Idi kebala Tuhan negku, ‘Nalan iko, ngaceku Ui sikal ngecuk namu amé' mado kuan lun pupu baken.’ ”

SURAT LUK BIRE PAULUS KUAN LUN RUM 10:3

Na ideh ngiti luk matu ratnan Allah, idi ideh nutun ngeletep dalan pad ideh ruen matu maya' terawédeh sebuleng. Idi na ideh nengebeneh bururdeh pad ideh ruen matu maya' pian Allah.

SURAT LUK BIRE PAULUS KUAN LUN RUM 14:10

Iamo' iko ini, anunké punneh iko ngesala' kinanakmu? Idi iko, anunké punneh iko ngebeneh kinanakmu teh? Ngaceku amung-amung tau miak amé' matun kerusi besara' Allah.

SURAT LUK BIRE PAULUS KUAN LUN RUM 14:3

Aleg lemulun luk kuman anun-anun ngebeneh luk na kuman, idi aleg lemulun luk kuman kikid irin mo' ngesala' lemulun luk kuman anun-anun, ngaceku Allah pangeh nengalap neneh.

SURAT LUK BIRE PAULUS KUAN LUN RUM 7:9

Atun ui ini mulun dengan na kali' ukum, iamo' kareb bebpeng ineh nacing, idi sala' mulun baruh teh,