LUKAS 18:43 - BALA LUK DO'

⁴³ Idi petacu ieh miak nier peh, idi nemaya' Yésus idi nengerayeh Allah. Kareb lun mula' nenier ineh, idi ideh nengubur Allah.

LUKAS 18:43 Iomraidhean Croise

NANI UBUR 107:15

Do' ideh ngubur Tuhan ngaceku awaNeh luk lutep, idi kekamenNeh luk do', luk inau'Neh kuandeh!

NANI UBUR 107:8

Do' ideh ngubur Tuhan ngaceku awaNeh luk lutep, idi kekamenNeh luk do', luk inau'Neh kuandeh!

NANI UBUR 146:8

idi ngalat mateh lun nebuser, Ieh naped lemulun luk inigu'; Ieh mawa inan pupuNeh luk matu.

NANI UBUR 30:2

Ui nengitang mutuh pedengan Namu, O Tuhan Allahku, idi Iko nengedo' negku.

YESAYA 35:5

Lun mebuser miak nier, idi lun mebengel miak ninger.

YESAYA 42:16

“Ui nguyut pupuKu luk mebuser, maya' dalan luk na nedalandeh. Ui ngisu' dacemdeh mangun ku acang, idi ngebalad tana' luk metekura'. Kali' rungen Ui nganau' luk kudeng ineh.

YESAYA 43:21

Ideh ineh pupu luk inau'Ku kuan bururKu sebuleng, luk miak menani ngubur Negku!”

MATIUS 11:5

ieh ineh lun melun mebuser kulat mateh, lun meliai miak nalan, lun mét susud pangeh linigan, lun mebengel ninger, idi lun naté tinui peh, idi Bala luk Do' bida' kuan lun masi'.

MATIUS 21:14

Lun mebuser idi lun meliai iné' Neneh bang Ruma' Allah, idi Ieh nengedo' nedeh.

MATIUS 9:8

Kareb lun mula' nekali' ratnan luk kudeng ineh, idi ideh matot idi nengerayeh Allah luk nemaré lalud luk kudeng ineh kuan lemulun.

LUKAS 13:17

Kareb Yésus nepebala kudeng ineh, amung-amung bunu'Neh migu' peh, iamo' amung-amung lun mula' ineh mawang niat ngaceku amung-amung kekamen luk rayeh luk pangeh inau'Neh.

LUKAS 19:37

Kareb Ieh pangeh muneng ku su luk inan irang Pegkung Saitun, idi amung-amung anak sekola' luk mula' ineh mawang niat idi ngubur Allah dengan arod luk rayeh, ngaceku amung-amung kekamen luk melalud luk sinierdeh ineh,

LUKAS 4:39

Idi Ieh netuped iringneh idi nemebpeng dadem ineh. Idi dadem ineh pana' nedo', idi petacu ieh netumui idi nengasa' nedeh.

LUKAS 5:26

Idi amungdeh ineh mawa idi nengubur Allah. Ideh nepanu' ku tot, kebaladeh, “Bang aco sini kai nekali' kekamen luk nan mawa!”

LUKAS 9:43

Idi amungdeh ineh mawa ratnan lalud Allah ineh. Uned ideh mawa ratnan amung luk inau' Yésus ineh, idi Ieh nepebala kuan anak-anak sekola'neh,

KEKAMEN RASUL-RASUL 11:18

Pangeh ideh neninger kudeng ini idi amung-amungdeh pirud, idi nengerayeh Allah, kebaladeh, “Kudeng pieh kudeng ineh, kuan lun pupu baken teh Allah pangeh nemaré dalan uren luk nguit amé' inan ulun.”

KEKAMEN RASUL-RASUL 26:18

Iko miak ngukab matehdeh, pad ideh teketed ratnan dacem idi lumi inan acang, idi ratnan lalud Sétan amé' inan Allah. Idi ngaceku ideh manu Negku, ideh ngalap do' ratnan sala' idi ngalap babpat dengan lun luk pinili' Allah.

KEKAMEN RASUL-RASUL 4:21

Iamo' lun rayeh-rayeh ineh metueh mebpeng nedidueh idi ideh nemuit nedidueh, ngaceku na luk idi punneh ideh ngukum nedidueh, ngaceku lun mula' nengerayeh Allah ngaceku ratnan tanu' luk pangeh mangun.

GALATIA 1:24

Idi ideh nengubur Allah ngaceku ui.

1 PETRUS 2:9

Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa.