LUKAS 18:32 - BALA LUK DO'

³² Ieh miak barén bang palad lun pupu baken, idi Ieh miak inan situnga, idi uen ngediman, idi uen lemulun ngelica'.

LUKAS 18:32 Iomraidhean Croise

YESAYA 50:6

Ui nenima' lun mebal ketedKu. Ui na nemebpeng nedeh kareb ideh nengedat Negku, kareb ideh nemubput buluh tangKu, idi ngelica' kiungKu.

YESAYA 52:14

Mula' lemulun mawa nier Neneh ngaceku ayuNeh nisu' pad Ieh na miti kudeng ayu lemulun.

YESAYA 53:3

Tau megateh Neneh idi na pian Neneh Ieh mesusa' idi medereh. Seburur pana' nateh luk pian nier Neneh. Tau nengarung Neneh mepad kudeng lemulun luk na ulek.

MIKA 5:1

O lun Yerusalim, do' muyuh sigapung bal alad bawang muyuh, ngaceku bunu' ngerieng nemuyuh. Ideh munu' lun rayeh luk ngimet nelun Israil!

MATIUS 16:21

Rat kareb ineh, Yésus nengimun mada' kuan anak-anak sekola'Neh, kebalaNeh, “Na miak na Ui amé' déi' Yerusalim, idi mabeh mula' dereh ratnan lun rayeh, idi ratnan imam-imam rayeh idi guru-guru Ukum, pad Ui pitayen teh, idi aco luk keteluh Ui miak tuyen teh.”

MATIUS 20:19

Idi ideh sikal maré Neneh bang palad lun pupu baken luk situnga Neneh, mebal Neneh, idi nalib Neneh; idi aco luk keteluh Ieh miak tuyen teh.”

MATIUS 22:6

Lun baken teh nengakem demulun raca' ineh, idi nemebal nedeh, idi nengaté nedeh.

MATIUS 26:67

Idi ideh nengelica' kiungNeh, idi nemukut Neneh; idi sebuang nemepag Neneh,

MATIUS 27:2

Idi ideh nengaling Neneh, idi nenguit Neneh idi nemaré Neneh kuan Pilatus, luk ngimet bawang ineh.

MARKUS 14:65

Idi ideh nengimun ngelica' Neneh, idi ideh nengakeb kiungNeh, idi nemukut Neneh, kebaladeh, “Do' Iko mada' idé luk mukut Namu!” Idi lun pulis ineh pana' nengakem Neneh Idi nemepag kiungNeh.

MARKUS 15:1

Kareb pekak uka-uka idi petacu imam-ima rayeh, lun rayeh-rayeh, guru-guru Ukum idi amungdeh luk nepamung ineh teh nepegayam arangdeh sebuleng. Ideh nengaling Yésus idi nenguit Neneh idi nemaré Neneh kuan Pilatus.

LUKAS 18:33

Ideh pana' miak mebal idi ngaté Neneh, idi aco luk keteluh Ieh miak tumui teh.”

LUKAS 23:1

Lun mula' ineh pana' nudur idi nenguit Yésus amé' matun Pilatus,

LUKAS 23:11

Herodés dengan lun pebunu' ineh pana' nengedat idi nesitunga Neneh. Idi ideh nengayung Neneh ku ayung luk do', idi nengecuk nguit Neneh lemubed amé' ni Pilatus.

LUKAS 23:35

Lun mula' ineh netuped nier. Iamo' lun rayeh lun Yahudi nesitunga Neneh, keburi'deh, “Ieh pangeh nengulun lun baken, nekini nima' Neneh ngulun bururNeh sebuleng, kudeng matu Ieh Keristus Allah luk pinili'.”

YAHYA 18:22

Kareb Yésus pangeh nemala ini, seburur lun matar luk tuped déi' nemepag kiungNeh kebalaneh, “Ngudehké Iko mekuu' pebala kudeng ini nelun Imam Rayeh?”

YAHYA 18:28

Idi pekak uka-uka, ideh nenguit Yésus rat ruma' Kayapas amé' ruma' Lun luk Ngimet Ukum. Idi lun Yahudi na nesemuet bang ruma' ineh, pad ideh na uen ngelutak, idi ideh miak kuman Irau Paska.

YAHYA 18:30

Idi kebaladeh, “Kudeng lemulun ini baken selemulun luk mesala', nateh kai nemaré Neneh kuan tuan.”

YAHYA 18:32

Ini mangun pad ngacing luk pangeh bila Yésus ratnan lawé atéNeh.)

YAHYA 18:35

Kebala Pilatus, “Ui ini lun Yahudiké? PupuMu sebuleng idi imam-imam rayeh luk nemaré Namu kuanku. Anunké luk inau'Mu?”

KEKAMEN RASUL-RASUL 2:23

Allah, maya' pian idi ilehNeh sebuleng, pangeh nemutut ratnan Yésus barén bang palad muyuh. Idi muyuh nengaté Neneh kareb muyuh nenima' lemulun luk dat nalib Neneh.

KEKAMEN RASUL-RASUL 3:13

Ngaceku Tuhan Ibrahim, Isak, idi Yakub, ieh ineh Tuhan tepun tau, nengerayeh DemulunNeh Yésus luk biré bang palad lun rayeh muyuh idi luk tila' muyuh pa kiung Pilatus kareb ieh sikal muit Neneh.