LUKAS 18:23 - BALA LUK DO'

²³ Kareb ieh neninger kudeng ini idi ieh pelaba dat niat ngaceku ieh pelaba ula' binaweh.

LUKAS 18:23 Iomraidhean Croise

YEHISKIEL 33:31

Idi pupuKu mepamung pian ninger balamu, iamo' na ideh maya' luk belénmu nedeh. Ideh ngubur balamu, iamo' ideh pian ngalap usin mo'.

MATIUS 19:22

Kareb anak adi' ineh neninger balaNeh, idi ieh neburo dengan susa' niat, ngaceku ieh mula' binaweh.

MARKUS 10:22

Iamo' ieh tekedamut ku bala ineh, idi eh nuli' dengan mesusa' niatneh, ngaceku ieh mula' binaweh.

LUKAS 12:15

Idi teh kebalaNeh nedeh, “Ngerawé do'-do', matar burur muyuh ratnan amung-amung lili, ngaceku ulun lemulun luk matu na macing ratnan ula' binawehneh, sagan tu pana' ieh lun do'.”

LUKAS 18:22

Kareb Yésus neninger balaneh, idi Ieh nepebala neneh, “Sebuleng mo' luk nateh inau'mu. Masui amung-amung binawehmu idi maré kuan lun masi', pad iko ngalap binaweh déi' surga, idi amé' maya' Negku.”

LUKAS 18:24

Yésus nekali' neneh mesusa' niat, idi ieh nepebala, “Mikat tu-tu kuan lemulun luk mula' binaweh semuet bang Imet Allah!

LUKAS 19:8

Sakius netuped idi nepebala inan Tuhan, “Sebuang ratnan binawehku, O Tuhan, ui maré kuan lemulun luk masi', idi kudeng ui pangeh nengalap binaweh dulun dengan naluk, ui maré lemubed apat kua' kinula'neh.”

LUKAS 21:34

“Matar burur muyuh pad niat muyuh na barén kuan luk manga idi mabuk idi rapang ratnan ulun tana' ini, pad aco ineh macing luun muyuh denak-denak mepad kudeng abpung.

LUKAS 8:14

Idi luk nebpeh arang tabpa' ineh, ieh ineh lemulun luk pangeh neninger. Iamo' ideh mesabeng ku rapang idi mula' binaweh idi luk do' bang tana' ini, pad ideh na ngeruat bua' dengan meriput.

EPESUS 5:5

Ngerawé do'-do'! Lemulun luk pasét, lemulun luk melutak, idi lemulun luk melili (ngaceku lili ineh mepad kudeng sembayang inan akang) na ngalap babpat bang Imet Keristus idi Allah ineh.

PILIPI 3:8

Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

KOLOSE 3:5

Do' muyuh ngilep amung-amung kekamen tana' ini, ieh ineh, pasét, luk melutak, maya' pian burur sebuleng, idi lili luk dat, idi teh lili luk mepad kudeng sembayang inan akang.

1 YAHYA 2:15

Aleg muyuh mawa ku tana', idi amung-amung uangneh teh. Kudeng idé lemulun mawa ku tana', idi awa Taman ineh na idi bang neneh.