LUKAS 18:15 - BALA LUK DO'

¹⁵ Tuda'-tuda' lemulun nenguit anakdeh luk isuut amé' matun Yésus, pelé Ieh miak ngakem nedeh. Iamo' kareb anak-anak sekola' ineh nekali' ratnan ineh, idi ideh nemebpeng nedeh.

LUKAS 18:15 Iomraidhean Croise

LUKAS 18:16

Iamo' Yésus nenawar anak-anak ineh amé' Neneh, kebalaNeh, “Nima' anak-anak luk isuut amé' Negku, aleg mebpeng nedeh, ngaceku lemulun luk kudeng ini luk kuan Imet Allah.

LUKAS 9:54

Kareb anak sekola'Neh Yakub idi Yahya nekali' ratnan ineh, idi kebala didueh, “O Tuhan, pianké Iko kai ngecuk apui temurun rat bang langit pad ngeseb nedeh?”

SEMUIL LUK PUN-PUN 1:24

Idi kareb Hanna pangeh neniti' anakneh, idi ieh nenguit neneh, dengan sebuleng sapi' deléi, luk ulunneh teluh lak, idi ualuh gatang banak, idi sengseréi' abpa' anggur, idi iné' bang ruma' Tuhan déi' Silo. Idi anak ineh pelaba isuut.

SEMUIL LUK PUN-PUN 1:25

Idi ideh nengeret sapi' pegawa' ineh, idi nenguit anak ineh iné' matun Eli.