LUKAS 18:14 - BALA LUK DO'

¹⁴ Idi Ui pebala nemuyuh, lemulun ini muli' imo Allah matu baken ratnan lun Parisi ineh; ngaceku anid-anid lemulun luk ngedita' bururneh miak uen ngebeneh; iamo' lemulun luk ngebeneh bururneh miak uen ngedita'.”

LUKAS 18:14 Iomraidhean Croise

AYUB 22:29

Allah ngebeneh lemulun luk medita' niat idi ngulun lemulun luk mebeneh niat.

AYUB 25:4

Inanké lemulun luk matu idi meligan siren Allah?

AYUB 9:20

Ui na mesala', idi ui lutep maya' Tuhan, iamo' balaku luk ngesala' idi ngukum negku.

NANI UBUR 138:6

Sagan tu pana' Tuhan luk Meluun Dita', iamo' Ieh méi' nelun masi', idi kali' lemulun luk medita' niat.

NANI UBUR 143:2

Aleg nguit negku amé' bang besara', ngaceku seburur pana' nateh matu pa kiungMu.

PURA' 18:11

Nekini ui kali' Tuhan meluun rayeh ratnan amung allah baken, ngaceku Ieh pangeh nemuit nelun Israil rat bang imet lun Masir, kareb lun Masir ineh megateh niat nedeh.”

BALE' 15:33

Tot inan Tuhan mangun ku ileh kuanmu. Do' iko mebeneh niat, pad iko ngalap ubur.

BALE' 18:12

Lemulun luk mebeneh niat mo' miak buren. Lemulun luk medita' niat ngacing susa' kuan bururneh sebuleng.

BALE' 25:7

Meluun do' iko uenneh ngedita' ratnan iko uenneh ngebeneh pad lun baken ngalap su luk inanmu.

BALE' 29:23

Dita' niat ngacing ebpeh lemulun, iamo' lemulun luk mebeneh niat miak buren.

BALE' 3:34

Ieh na pian ku lemulun luk medita' niat, iamo' Ieh méi' kuan lemulun luk mebeneh niat.

LUN LUK MADA' 9:7

Ngaceku ineh do' iko kuman idi ngirup dengan mawang niat. Allah pangeh nengeperuan namu.

YESAYA 45:25

Ui ini Tuhan miak ngulun amung inul Yakub, pelé ideh ngubur Negku.

YESAYA 53:11

Pangeh derehNeh, Ieh ngalap awang teh pad Ieh kali' derehNeh ineh inan ulek. Ieh ineh DemulunKu luk matu, Ieh kumin kuan lun mula', pad ideh mangun ku pupuKu luk matu.

YESAYA 57:15

“Ui ini Allah luk medita' idi meligan, luk mulun ruked-ruked. Ui tudo déi' su luk medita' idi meligan. Idi teh Ui tudo dengan lemulun luk nginuud idi luk mebeneh niat pelé Ui nuneb nedeh pad ideh merapet teh.

YESAYA 66:2

Ui sebuleng nemudut amung-amung pudut! Ui mawang niat ku lemulun luk mebeneh niat idi luk uren, luk matot Negku idi luk maya' balaKu.

DANIEL 4:37

“Idi nekini, ui ini Nebukadnesar ngubur idi ngerayeh Raca' Surga. Amung-amung luk ruenNeh matu. Ieh megéi' nganau' luk mesiri, idi Ieh ngebeneh lemulun luk medita' niat.”

HABAKUK 2:4

Idi ini balaKu, ‘Lemulun luk dat na miak mulun. Iamo' lemulun luk matu miak mulun ngaceku ideh lutep manu inan Allah.’ ”

MATIUS 23:12

Idi idé-idé luk ngedita niatneh sebuleng, ieh ineh miak uen ngebeneh peh; idi idé'idé luk ngebeneh niatneh sebuleng, ieh ineh miak uen ngedita' peh.

MATIUS 5:3

“Samal kuan lemulun luk kali' asi'deh pa kiung Allah, ngaceku ideh luk kuan Imet surga.

LUKAS 1:52

Ieh nengebeneh raca'-raca' ratnan kerusi imetdeh, idi nengedita' lemulun luk mebeneh.

LUKAS 10:29

Iamo' guru Ukum ineh sikal ngamo bururneh mesiri, idi keburi'neh kuan Yésus, “Idéké lun denganku ineh?”

LUKAS 14:11

Ngaceku anid-anid lemulun luk ngedita' bururneh, ieh ineh miak uen ngebeneh, idi lemulun luk ngebeneh bururneh miak uen ngedita'.”

LUKAS 16:15

Iamo' kebala Yésus nedeh, “Muyuh luk ngatu burur muyuh sebuleng pa kiung lemulun, iamo' Allah kali' niat muyuh; ngaceku anun-anun luk siren medita' pa kiung lemulun, na ulekneh pa kiung Allah.

SURAT LUK BIRE PAULUS KUAN LUN RUM 3:20

Ngaceku seburur pana' nateh luk ruen matu pa kiung Allah ratnan nganau' Ukum ineh. Iamo' ratnan Ukum Musa lemulun miak kali' ratnan sala'.

SURAT LUK BIRE PAULUS KUAN LUN RUM 4:5

Iamo' lemulun luk manu na merapet ku kekamenneh. Ieh manu inan Allah luk ngamo lun mesala' matu ngaceku ratnan anuneh.

SURAT LUK BIRE PAULUS KUAN LUN RUM 5:1

Ngaceku tau inau' matu ratnan anu, idi tau ngalap pedo' dengan Allah ngaceku Tuhan tau Yésus Keristus.

SURAT LUK BIRE PAULUS KUAN LUN RUM 8:33

Idéké miak ngadu' lemulun luk pinili' Allah? Allah sebuleng ngamo nedeh na mesala'.

GALATIA 2:16

Iamo' kai kali' idi lemulun ruen matu ngaceku manu inan Yésus Keristus, baken ngaceku maya' Ukum. Kai pana' pangeh manu inan Keristus Yésus, pad kai ruen matu ngaceku anu kai nan Keristus, baken ngaceku maya' Ukum. Ngaceku seburur pana' nateh luk ruen matu ngaceku maya' Ukum.

YAKUB 4:10

Ngebeneh burur muyuh pa kiung Allah, idi Ieh miak ngedita' nemuyuh teh.

YAKUB 4:6

Iamo' katu luk barén Allah meluun tueh. Maya' kudeng bala bang Surat Allah, “Allah sikal metueh ratnan lemulun luk medita' niat, iamo' Ieh maré katu kuan lemulun luk mebeneh niat.”

SEMUIL LUK PUN-PUN 1:18

Idi keburi' Hanna, “Do' iko méi' negku.” Pangeh ineh idi ieh nenalan. Idi ieh nekuman. Pangeh ineh idi na ieh mesusa' niat peh.