LUKAS 18:11 - BALA LUK DO'

¹¹ Lun Parisi ineh netuped idi nesembayang bang niatneh kudeng ini, ‘O Allah, ui maré ubur kuanMu, ngaceku ui baken kudeng lemulun luk baken, ieh ineh lemulun luk mano, lemulun luk na mesiri, lemulun luk pasét, idi lun luk ngamung usin pupuk ini pana'.

LUKAS 18:11 Iomraidhean Croise

NANI UBUR 134:1

Amé', ngubur Tuhan, O amung demulunNeh, idi amung luk sembayang bang Ruma'Neh kareb medacem.

NANI UBUR 135:2

luk tuped bang ruma' Tuhan, bang Ruma' Allah tau luk meligan.

BALE' 20:6

Mula' lemulun mada' bururdeh lutep idi inan merapet, iamo' idéké luk kali' lemulun luk inan merapet.

BALE' 30:12

Inan lemulun luk ngerawé bururdeh meligan, iamo' setuneh ideh pelaba lutak.

YESAYA 1:15

“Kareb muyuh sembayang idi ngiding ticu' muyuh Ui na sikal nier nemuyuh. Sagan tu pana' muyuh mekadang sembayang, Ui na sikal ninger ngaceku ticu' muyuh melutak ku dara'.

YESAYA 58:2

Ideh sembayang Negku anid-anid aco, idi ideh pian maya' ukumKu idi nganau' luk matu. Ideh mutuh Negku ngeperuan nedeh idi maré ukum luk mesiri nedeh.”

YESAYA 65:5

Ideh ngecuk lun baken na muneng nedeh, ngaceku ideh meligan idi na miak kamen. Ui megateh inan lemulun luk kudeng ineh — usehKu nedeh mepad kudeng apui luk na maté.

YEREMIA 2:28

“Iapehké amung allah luk inau' midi? Kareb iko inan susa', nima' nedeh ngulun namu, kudeng mo' ideh miak! O Yahuda, allahmu mepad kinula' bawangmu.

YEREMIA 2:35

‘Ui na mesala'; kali' rungen Tuhan na museh negku.’ Iamo' Ui ini Tuhan miak ngukum namu, ngaceku iko mala namu na mesala'.

YEHISKIEL 33:31

Idi pupuKu mepamung pian ninger balamu, iamo' na ideh maya' luk belénmu nedeh. Ideh ngubur balamu, iamo' ideh pian ngalap usin mo'.

MIKA 3:11

Lun rayeh-rayeh luk ngimet bawang ngalap suap, imam-imam luk ngelio ukum Tuhan ngalap tabpar, idi nabi-nabi pana' luk mada' luk sirendeh ngalap usin ku ineh. Idi kebaladeh, Tuhan idi dengandeh. Idi teh ideh pebala, “Naké Tuhan idi dengan kai? Na susa' macing nekai.”

MATIUS 10:3

Pilipus, Bartolomius, Tomas, Matius luk ngamung rigit pupuk, Yakub Alpius, Tadius;

MATIUS 5:20

Ngaceku ineh Ui pebala nemuyuh, kudeng niat muyuh na mesiri meluun ratnan siri niat guru-guru Ukum idi lun Parisi teh, na tu-tu muyuh miak semuet bang Imet surga.

MATIUS 6:5

“Kareb muyuh sembayang, aleg muyuh kudeng lun luk siayu! Ideh sikal tuped sembayang bang ruma' sembayang idi nan lisangen dalan, pad ideh miak siren dulun. Ngerawé do'-do'! Ideh pangeh nengalap tabpardeh.

MARKUS 11:25

Kareb muyuh tuped sembayang, maré do' kuan lemulun luk inan muyuh megateh, pad Taman muyuh luk déi' surga miak maré do' ratnan sala' muyuh.

LUKAS 20:47

idi luk muyok decur tinula' idi mano ruma'deh, idi luk siayu mekadang sembayang! Ukumdeh ineh meluun dat.”

LUKAS 22:41

Ieh nepatad rat nedeh, idi iné' mado sesuut. Idi Ieh netekeradung sembayang,

GALATIA 3:10

Lemulun luk merapet sikal maya' Ukum, ideh pa liang kediman, ngaceku pangeh inayud, “Idi kediman kuan anid-anid burur lemulun luk na lutep nganau' amung-amung luk inayud bang surat Ukum ineh.”

PILIPI 3:6

Idi ui mekél pad ui megéi' nengedereh sidang, idi ratnan luk matu bang Ukum ui na mesala'.

BALA LUK LINIO 3:17

Ngaceku iko pebala, ui lun do', idi ui pangeh nengalap mula' binaweh, sebuleng pana' nateh luk na idi negku; iamo' na iko kali' iko selemulun luk dat, luk inan méi', luk masi', mebuser, idi lubpa.