LUKAS 18:1 - BALA LUK DO'

¹ Idi Yésus nemada kuandeh aceh luk pinginud, pad ideh megéi' sembayang dengan na melawa',

LUKAS 18:1 Iomraidhean Croise

NANI UBUR 102:17

Ieh miak ninger tawar pupuNeh luk tican, idi ngua' sembayangdeh.

NANI UBUR 27:13

Ui manu ui miak mulun idi nier do' Tuhan negku.

NANI UBUR 65:2

Ngaceku Iko luk ngua' sembayangdeh. Amung-amung lemulun miak amé' Namu,

NANI UBUR 86:3

Méi' negku, O Tuhan, ngaceku Iko luk Allahku; ui sembayang Namu tebaco-tebaco.

YESAYA 40:31

Iamo' idé-idé luk merapet ku Tuhan ngedengan nedeh, miak uen ngetueh baruh. Ideh kemikit dengan ilad mepad kudeng kanui. Kareb ideh upun, na ideh merur; kareb ideh nalan pana' na ideh melaya'.

YESAYA 62:7

Do' ideh megéi' sembayang mutuh pedengan pad Ieh nuneb Yerusalim pelé ieh buren aput tana'!

YEREMIA 29:12

Kareb ineh muyuh miak nawar Negku idi sembayang mutuh rat Negku, idi Ui miak ngua' sembayang muyuh.

YUNUS 2:7

Kareb niatku lélé meputut, idi ui nengerawé Namu O Tuhan, idi sembayangku nacing Namu, bang Ruma'Mu luk meligan.

LUKAS 11:10

Ngaceku anid-anid lemulun luk mutuh miak ngalap; idi lemulun luk nakap miak kali', idi kuan lemulun luk nateg, tanga' ineh miak kabin.

LUKAS 21:36

Do' muyuh megéi matar idi sembayang, pad muyuh metueh muit burur muyuh ratnan amung-amung luk sikal mangun ineh, idi tuman matun Anak-Lemulun.”

SURAT LUK BIRE PAULUS KUAN LUN RUM 12:12

Do' mawang niat ngaceku rapet muyuh, idi mulai niat bang susa', idi lutep bang sembayang.

2 KORINTUS 4:1

Dengan éi'Neh Allah pangeh nemaré kuan kai, pad kai na metalang niat.

GALATIA 6:9

Aleg tau musam nganau' luk do', ngaceku inan karebneh tau ngeranih, kudeng tau tuman.

EPESUS 6:18

Nganau' amung ineh dengan sembayang idi putuh. Megéi' sembayang dengan Roh. Ngaceku ineh, do' lutep idi aleg metalang niat. Megéi' sembayang kuan lun manu.

PILIPI 4:6

Aleg muyuh merapang ratnan anun-anun, iamo' bang luk amung-amung do' amung-amung pian muyuh uen ngegala' kuan Allah, bang sembayang idi putuh dengan maré ubur.

KOLOSE 4:12

Tabi' kuan muyuh rat ni Epapras luk pamung sebawang dengan muyuh, ieh ineh demulun Keristus Yésus. Ieh mekél sembayang kuan muyuh, pad muyuh lutep idi tuped meraben-bang Keristus dengan anu luk meriput, idi pad muyuk miak maya' amung-amung luk pian Allah.

KOLOSE 4:2

Do' muyuh lutep sembayang, idi matar bang amung ineh dengan maré ubur.

1 TESALONIKA 5:17

idi sembayang dengan na melawa',

SEMUIL LUK PUN-PUN 1:12

Hanna mio sembayang pa kiung Tuhan, idi Eli nenier bibir tangneh.