LUKAS 17:3 - BALA LUK DO'

³ Matar burur muyuh! “Kudeng kinanakmu mesala', mebpeng neneh; kudeng ieh nginuud, maré do' kuanneh.

LUKAS 17:3 Iomraidhean Croise

NANI UBUR 141:5

Lemulun luk matu mebal idi ngukum negku, pad ineh mangun ku peruan kuanku. Iamo' na ui pian uen lemulun luk dat ngeperuan, ngaceku ui ara' perurum dengan sala'deh.

PURA' 34:12

Aleg perurum nelun luk bang bawang luk ulek muyuh ineh, pad ideh na mangun ku aceh abpung kuanmu.

BALE' 17:10

Sebuleng bada' kuan lemulun luk mileh meluun rayeh ulek ratnan meratu babal kuan lemulun luk mebacé.

BALE' 27:5

Meluun do' mada' lemulun dengan megala', ratnan ngalum éi'mu neneh.

BALE' 9:8

Aleg mada' lemulun luk medita' niat, ngaceku ieh megateh niat namu. Iamo' kudeng iko mada' lemulun luk mileh ieh miak ngerayeh namu.

UKUM 19:17

“Idi aleg megateh niat inan kinanakmu. Iamo' do' iko mada' nelun denganmu dengan gala'-gala', pad iko na mabeh sala' ngaceku ieh.

MATIUS 18:21

Pétrus iné' matun Yésus idi keburi'neh, “O Tuhan, tuda' kua'ké ui miak maré do' nan kinanakku luk mesala' negku? Macing tudu' kua'ké?”

LUKAS 21:34

“Matar burur muyuh pad niat muyuh na barén kuan luk manga idi mabuk idi rapang ratnan ulun tana' ini, pad aco ineh macing luun muyuh denak-denak mepad kudeng abpung.

EPESUS 5:15

Ngaceku ineh ngerawé do'-do' ratnan kudeng apeh muyuh mulun. Aleg mulun mepad kudeng lemulun luk mebacé, iamo' do' mepad kudeng lemulun luk mileh,

BADA' RATNAN UKUM 4:15

“Do' muyuh matar do'-do', ngaceku aceh ayu pana' nateh luk sinier muyuh kareb Tuhan nepebala nemuyuh déi' Sinai rat uned apui ineh.

BADA' RATNAN UKUM 4:23

Matar do'-do', pad muyuh na kelupan jani' Tuhan Allah muyuh, pelé muyuh na nganau' akang luk inarit mepad kudeng ayu anun-anun pana'.

BADA' RATNAN UKUM 4:9

Matar do'-do', idi aleg kelupan amung-amung luk pangeh sinier muyuh, pad amung ineh na mekelupan ruked ulun muyuh. Idi do' muyuh maré kali' kuan anak-anak muyuh idi kuan mupun-mupun muyuh,

IBERANI 12:15

Matar do'-do' pad seburur pana' na teketed ratnan katu Allah. Matar do'-do', pad aceh “uat luk mepét” na mulun idi nganau' susa' kuan muyuh pad amung-amung lemulun uenneh ngelutak.

YAKUB 5:19

O kinanak-kinanakku, kudeng seburur rat arang muyuh meraruh ratnan luk matu, idi seburur lun baken nenguit neneh lumi,

2 YAHYA 1:8

Ngerawé ratnan burur muyuh sebuleng, pad muyuh na miak ngetutu' anun-anun luk pangeh ilap muyuh ratnan kél muyuh, iamo pad muyuh ngalap tabpar muyuh dengan petap.