LUKAS 17:29 - BALA LUK DO'

²⁹ Kareb aco Lut remuat rat bang Sodom ineh, idi udan apui idi batu apui pana' netemurun rat déi' langit nengaté amung-amungdeh.

LUKAS 17:29 Iomraidhean Croise

YESAYA 1:9

Kudeng Tuhan luk Melalud na nima' sebuang lemulun mulun, kali' rungen Yerusalim nabud inusag, mepad kudeng Sodom idi Gemora.

YESAYA 13:19

Babil ineh meluun taga ratnan amung bawang baken, idi pupuneh megéi' ngubur neneh. Iamo' Ui ini Tuhan miak ngelaya' Babil, mepad kudeng luk inau'Ku kuan Sodom idi Gemora!

YEREMIA 50:40

Mepad kudeng luk inau'Ku kuan Sodom, Gemora, idi bawang luk muneng ku bawang ineh, kareb Ui nengusag nedeh, kudeng ineh teh luk miak ruenKu kuan Babil. Seburur pana' nateh luk miak mulun su ineh, segageh pana' nateh. Ui ini Tuhan pangeh nepebala.

HOSIA 11:8

“O Israil, kudeng apehké Ui miak nala' nemuyuh? Kudeng apehké' Ui miak necan nemuyuh? Miakké Ui ngusag nemuyuh mepad kudeng Ui nengusag Adam, idi ngedereh nemuyuh, mepad kudeng Ui nengedereh Seboim? Na Ui mawang niat nganau' luk kudeng ineh! Ui méi' nemuyuh.

AMOS 4:11

“Ui nengukum sebuang muyuh mepad kudeng Ui nengukum Sodom idi Gemora. Muyuh mepad kudeng luten luk ilap ratnan apui. Iamo' na muyuh lumi Negku,” kebala Tuhan.

SEPANIA 2:9

Ui ini Allah lun Israil luk mulun, pebulung ku ulunKu, kebulungKu, ‘Moab idi Amon miak uen ngusag, mepad kudeng Sodom idi Gemora. Bawang ineh mangun ku su luk inan uduh luk dat, idi su luk inan lubang tucu' idi usag luk meruked. PupuKu luk mulun miak ngaro dueh bawang ineh idi ngalap tana'deh.’ ”

LUKAS 17:28

Kudeng ineh teh, luk nangun kareb Lut, lemulun nekuman, nengirup, nemasui idi nemelih, idi nenibu idi nemudut ruma' pana'.

LUKAS 17:30

Mepad kudeng ineh teh mangun kareb Anak-Lemulun miak uen ngegala'.

2 PETRUS 2:6

idi bawang Sodom idi Gemora ineh inukumNeh dengan até idi isebNeh pad mangun ku abuh, idi nenganau' neneh mangun ku luk pinginud kuan amung-amung lemulun luk sikal mulun dengan na sembayang.

YAHUDA 1:7

Ngerawé Sodom, Gemora, idi bawang-bawang luk pelengit bawang ineh, su luk inan lemulun nenganau' luk kikem melaikat ineh pana'. Ideh pasét, idi deléi dengan deléi nenganau' luk inandeh na pekalai. Ideh inukum ku apui luk meruked ineh, mangun ku luk pinginud kuan amung lemulun.

BALA LUK LINIO 11:8

Idi butung didueh miak telubid nan dalan bawang luk rayeh, luk dengan pinginud titen Sodom idi Masir, su luk inan Tuhan didueh sinalib ineh.

BALA LUK LINIO 14:10

idi ieh teh miak ngirup ratnan abpa' anggur, ieh ineh useh Allah luk tinina' dengan na pinuar bang sangkir usehNeh ineh. Lemulun ineh miak uen ngedereh ku apui idi batu apui pa kiung melaikat-melaikat luk meligan, idi pa kiung Anak Dumba ineh.

BALA LUK LINIO 19:20

Idi pung ineh pana' kikem pad-pad dengan nabi luk mebalih luk pangeh nenganau' tuda'-tuda' tanu' luk nan mawa pa kiungneh. (Idi dengan tanu'-tanu' ineh ieh nengeraruh lemulun luk inan etu pung ineh, idi luk pangeh sembayang inan akangneh.) Didueh ineh tila' dengan mulun bang takung apui luk mebudung ku batu apui.