LUKAS 17:26 - BALA LUK DO'

²⁶ Mepad kudeng luk nangun kareb Noh, kudeng ineh teh miak mangun kareb Anak-Lemulun.

LUKAS 17:26 Iomraidhean Croise

PUDUT 6:5

Kareb Tuhan nenier sala' lemulun luk bang tana' ini pelaba ula', pad ieh ngerawé idi geregan ku luk dat mo' kidi-kidi,

PUDUT 6:7

Idi Tuhan nepebala, “Ui pian ngaté lemulun luk pangeh inau'Ku luun tana'. Idi Ui pian ngaté amung-amung pung idi suit teh. Ui nginuud ngaceku Ui pangeh nemudut nedeh.”

PUDUT 6:8

Iamo' Tuhan méi' kuan Noh.

YESAYA 22:13

Iamo' muyuh neriruh idi nenganau' irau. Muyuh nengeret dumba idi sapi' ku kikid muyuh, idi nengirup abpa' anggur. Kebala muyuh, “Meluun do' tau ngirup idi kuman, ngaceku nebpa tau maté.”

LUKAS 17:22

Idi kebala Yésus kuan anak-anak sekola'Neh, “Karebneh miak macing idi muyuh pian nier sebuleng ratnan aco Anak-Lemulun ineh, iamo' na muyuh miak kali' ineh.

LUKAS 17:24

Ngaceku mepad kudeng kilep luk macang rat iring langit selipa macing iring langit selipa, kudeng ineh teh Anak-Lemulun kareb acoNeh.

LUKAS 17:27

Lemulun nekuman, nengirup, idi nengaweh, pad macing aco Noh semuet bang alud rayeh, idi abpa' pana' netemubu' ngaté amung-amungdeh.

LUKAS 17:7

“Kudeng arang muyuh inan seburur demulun luk ngeradu, kian matar dumba lek, miakké iko pebala neneh kareb ieh muli' rat lati', ‘Miket amé' kuman'?

LUKAS 18:8

Ui pebala nemuyuh, dengan mesaget Ieh ngedengan lemulun ineh. Iamo' kareb Anak-Lemulun macing, miakké Ieh papu' anu bang tana' ini?”

IBERANI 11:7

Ratnan anu teh, Noh neninger bada' Allah ratnan luk miak mangun, sagan pana' ineh na miak sirenneh. Idi ieh nenganau' temina' aceh alud rayeh pad miak ngulun amung uang tetek ruma'neh. Dengan luk kudeng ineh Noh nengesala' tana' ini, idi ieh nengalap ratnan Allah babpat luk matu luk macing ratnan anu ineh.

2 PETRUS 2:5

Ieh na méi' kuan lemulun bang kareb luk mon, iamo' Noh luk nemada' luk matu ineh, isa'Neh dengan tudu' burur lemulun kareb Ieh ngacing ereb kuan uang tana' ini luk na manu;

2 PETRUS 3:6

Dengan dalan ineh tana' luk idi bang kareb ineh pangeh nengalap até idi nereb ku abpa' ineh.