LUKAS 17:24 - BALA LUK DO'

²⁴ Ngaceku mepad kudeng kilep luk macang rat iring langit selipa macing iring langit selipa, kudeng ineh teh Anak-Lemulun kareb acoNeh.

LUKAS 17:24 Iomraidhean Croise

YEHISKIEL 1:14

Pung ineh pana' nalan lemubed mepad kudeng kilep.

SEKARIA 9:14

Tuhan miak silagan pa luun pupuNeh; Ieh mak ngelatik ilebNeh, mepad kudeng kilep. Tuhan Allah miak ngiup serupit; Ieh miak nalan maya' barui rat pa kabing busat aco.

MATIUS 24:27

Ngaceku acing Anak-Lemulun mepad kudeng kilep luk rat pa busat aco idi melagan pad macing pa acep aco.

MATIUS 24:30

Pangeh ineh, tanu' Anak-Lemulun megala' bang langit; idi amung pupu bang tana' ini temido, idi ideh miak nier Anak-Lemulun amé' luun laput rat surga, dengan lalud idi rasat luk rayeh.

MATIUS 25:31

“Kareb Anak-Lemulun macing mangun ku raca' dengan amung melaikatNeh, idi Ieh miak tudo luun kerusiNeh,

MATIUS 26:64

Kebala Yésus neneh, “Mepad kudeng luk bilamu. Iamo' Ui pebala nemuyuh, rat pad sini muyuh miak nier Anak-Lemulun tudo pa tinueh Luk Melalud, idi amé' luun iaput rat surga.”

MATIUS 5:15

Na lemulun nutud lapung idi ngakeb neneh ku gatang, iamo' ieh nganau' neneh luun dawan, pad ieh ngacang amung lemulun bang ruma' ineh.

1 KORINTUS 1:8

Ieh sikal nganau' nemuyuh lutep macing kekipedneh, pad muyuh na mesala' kareb Aco Tuhan tau Yésus Keristus.

1 TESALONIKA 5:2

Ngaceku muyuh sebuleng pangeh kali' dengan megala' idi Aco Tuhan ineh macing mepad kudeng lun mano kareb medacem.

2 TESALONIKA 2:2

aleg muyuh saget pekisu' terawé idi megagap ku bala lemulun ratnan Aco Tuhan pangeh nacing, ayuneh pangeh bida' lemulun luk kikem roh lek, kian bida' lemulun kareb ieh mada' lek. Kian inan luk pebala, kai ini pangeh nengayud ineh bang surat.

2 TESALONIKA 2:8

Lemulun luk Dat ineh miak uen ngegala' idi miak pitayen Tuhan Yésus ku bui tangNeh, idi uen ngusag ku rasat acingNeh.

YAKUB 5:8

Do' muyuh mulai niat, idi do' muyuh lutep niat, ngaceku Tuhan ineh lélé macing.

2 PETRUS 3:10

Iamo' Aco Tuhan sikal macing mepad kudeng lun mano. Langit miak metutu' dengan uni luk meluun rayeh, idi amung-amung pudut luk bang langit miak meseb idi ubpa', idi tana' dengan amung-amung kekamen luk ina bangneh ineh miak meseb.